[A:476]/ /oM swa sti siddhaM/ rgyal ba rdo rje 'chang kun dga' bzang po'i rnam par thar pa legs bshad chu bo 'dus pa'i rgya mtsho yon tan yid bzhin nor bu'i 'byung gnas zhes bya ba/ bla ma dang lhag pa'i lha la gus pas phyag 'tshal zhing skyabs su mchi'o/ /brtse ba chen pos byin gyis brlab tu gsol/ kun khyab zab gsal gnyis med chos kyi sku/ /dga' chen yan lag bdun ldan longs spyod rdzogs/ /bzang po'i phrin las bsam yas sprul pa'i sku/ /khyab bdag rdo rje 'chang la phyag bgyi'o/ /gang de'i rnam thar so skye'i yul min yang / /rang dang skal mnyam dad pa'i sa bon du/ /skyes chen bla ma rnams kyi gsung rab bzhin/ /ci nus dbye la gegs med gnang ba stsol/ /zhes mchod par brjod cing bshad par dam bcas nas/ 'dir rgyal ba rdo rje 'chang kun dga' bzang po zhes snyan pa'i ba dan srid pa gsum na g.yo ba'i rtogs pa brjod pa