[A:581]nas kyi rnam par thar pa rgya mtsho lta bu'i nang nas gces pa'i nor bu lta bu/ gsung ngag lam 'bras kyi bka' rgya thim pa'i tshe dag pa'i gzigs snang khyad par can ji ltar byung ba'i tshul bshad pa 'di la gnyis te/ bshad pa'i gzhi bkod pa dang / de'i don bshad pa'o/ /dang po ni/ khyad par gyi thig le dngas ma'i dbus/ /rnal 'byor gyi dbang phyug sa skya pa/ /rje bla ma brgyud pa 'ga' re dang / yi dam dkyil 'khor lha tshogs dang / /phyag rgya'i gzugs dang mchod rten dang / /bdag bu bzhin skyong ba'i lcam dral rnams/ /ltar snang gcig gi snang ba bsam mi khyab/ /rje btsun rdo rje 'chang kun dga' bzang pos gsung ngag gi bka' rgya thim nas gsungs pas chog gam mi chog thugs la 'khrungs pa'i tshe/ mgron lha g.yu thog tu rje btsun chen pos gsungs chog pa'i brda dru bu sna lnga'i zhal gzigs 'di/ skal ldan gyi gdul bya rnams dad pa gsal 'debs pa'i phyir/ bla ma brgyud pa dang bcas pa la gsol ba btab cing / mkha' 'gro chos skyong la mchod gtor phul te/ lha mchog seng ges gsang brtol ba la mkha' 'gro rnams kyis bzod par gsol zhing / dad ldan rnams yid ches pa'i gnas su mdzod cig /mangga laM bha wan tu zhes pa ste/ 'di'i khyad par gyi thig le zhes pa nas/ /bsam mi khyab ces pa'i bar tshig rkang bdun ni rdo rje 'chang nyid kyi gsung yin no/ /'di la tsheg bar mi mnyam pa kha cig snang ba ni dang po nyid nas shugs 'byung ma bcos par gsungs pa yin pas slan chad kyang bcos par mi bya'o/ /de nas kyang rje btsun rdo rje 'chang kun dga' bzang pos zhes pa nas/ bha wantu zhes pa'i bar ni rje lha mchog seng ge pa'i gsung yin la/ de yang tshig rkang bdun gyis bstan pa'i gzigs snang khyad par can 'di'i gnas tshul tshigs bcad de nyid bcas pa/ rje lha'i mtshan can gyi bar snyan brgyud du bzhugs pa/ rje 'dis phyi rabs kyi gdul bya la dgongs nas/ gzigs snang ri mor 'dri ba'i