[A:93a] ma mthong bas/ than mong ba gang mthong rnams 'dir phyogs gcig tu mdor bsdus te dad pa'i blos bkod pa'o/ brgyud pa gsum ldan dam pa rnams kyi rnam thar dri med yon tan rin chen du mas gang ba can/ thugs rje'i byin brlabs gting mtha' mi mngon phrin las rnam bzhi'i rba brlabs rgyun chad med par g.yo bas brjid/ rnam dag lta ba'i rin chen mchog gi cod pan dang ldan snying rje'i glu dbang spyan zur rol pas mdzes/ brgyad khri bzhi stong chos kyi bcud ldan rnam thar mtsho chen 'di ni 'gro ba'i dpal du rgyas gyur cig/ bla ma'i rnam thar dri med bdud rtsi'i chu/ thub bstan padmo'i bzhin ras gsal mdzad pa/ skal bzang mig la ya mtshan dpal ster ba'i/ legs bshad 'di ni sngon med gangga'i rgyun/ kha cig rgyal dang mkhas rnams gang bzhed pa'i/ lugs chen dor nas rang gi rgan po yi/ rjes su 'brangs nas sangs rgyas bstan pa la/ zhugs kyang de don bsgrub par mi nus shing/ dus kyi dbang gis rgyal ba'i bstan pa yang/ lkog mar phyin pa'i dbugs ltar gyur pa yi/ lugs bzang 'di yang ches cher nyams gyur pas/ bstan dang 'gro la phan par dgongs rnams kyis/ rgyal ba'i bka' dang mkhas grub bzhed gzhung la/ legs par sbyangs pa'i bsngags 'os chen po gang/ sngon byung skyes chen dam pa de dag gi/ rnam thar 'di don nyams su blang bar rigs/ zab mo lta bas 'khrul pa'i mtshan ma zhi/ nyams len sgom pas sems nyid rang sar grol/ rgya chen spyod pas phyin drug lam du 'khyer/ brgyud pa 'di la mi mos