[A:93b] su shig zhig yod/ rtogs brjod rin chen phreng ba'i do shal gyis/ mkhas pa'i yid la dga' ba bskyed pa ltar/ tsan dan ljoon pa gsar pa lho phyogs kyi/ rlung gis bskyod pa'i bsung gis de lta min/ rmad byung rnam thar dum bur 'thor ba rnams/ kho bo'i lhag bsam pho nyas legs bsdus nas/ gzugs brnyan mdzes pa me long nang du ni/ shar ba 'di la mkhas rnams dgyes par mdzod/ lhag bsam nyin mor byed pa'i 'od zer gyis/ rnam thar padmo'i tshal rnams kha phye ste/ ngo mtshar sbrang rtsi'i longs spyod 'di sbyar bas/ don gnyer pung ba'i dga' ston rgyas gyur cig/ bla ma'i rnam thar nyin mor byed pa'i 'od stong zhes pa 'di ni/ rig gnas mtha' dag la mkhyen pa rgyas pa mkhan chen dge g.ye ba tshul khrims seng ge'i gsung gis/ bka' gdams kyi dge ba'i bshes gnyen byon tshul rnams phyogs gcig tu bsgrigs pa zhig gyis shes zhes bskul kyang/ le lo'i dbang gis re zhig 'gyangs pa la/ phyis don du gnyer ba'i bshes gnyen 'ga' zhig gis 'phral 'phral du bskul bas mtshams sbyar te/ bde bar gshegs pa'i gsung rab mtha' dag la mi 'jigs pa'i spobs pa brnyes pa/ byams mgon gnyis pa tshul khrims dar gyi zhabs rdul spyi bos bsten pa/ shAkya'i dge slong bsod nams lha'i dbang pos khro mo zhes pa shing pho 'brug gi lo/ mngon bar byang chub pa'i zla ba yar ngo'i tshes bcu la grub pa'i gnas mchog dpal ldan lo dgon pa'i dben gnas dga' ldan rtser sbyar ba'o/ 'dis kyang rgyal ba'i bstan pa rin po che phyogs dus gnas skabs thams cad// //