[A:1b] bka' brgyud rin po che'i chos 'byung rnam thar nyin mor byed pa'i 'od stong zhes bya ba/ bla ma dam pa rnams dang lhag pa'i lha la phyag 'tshal lo/ skye ba kun du rjes su gzung du gsol/ spros bral chos sku'i mkha' las ma g.yos par/ sna tshogs gzugs sku'i snang ba rab spros pas/ mtha' dag 'gro ba'i ma rig mun sel ba/ thub dbang sngon med nyi ma de la 'dud/ mtha' bral dbu ma'i don gzigs lta ba'i brgyud/ rlabs chen mdzad pa mthar phyin spyod pa'i brgyud/ rim gnyis rnal 'byor mthar son byin brlabs brgyud/ brgyud gsum bla ma rnams kyi zhabs la 'dud/ mkhyen pas 'khor ba'i 'ching ba las grol kyang / thugs rje'i dbang gis srid la mngon dga' zhing/ sems mchog yid bzhin nor la dbang 'byor ba/ dpal ldan a ti sha yi zhabs rdul mchod/ de las brgyud pa'i shing rta mchog gi lam/ rgyal ba'i bka' bzhin gdams par nyams len pa/ bka' gdams bshes gnyen ji ltar byon pa'i tshul/ mthong thos mdo tsam 'dir ni gsal bar bshad/ yongs 'dzin dam pas rjes su gzung ba dang/ ma 'dres 'byed pa'i blo gros ldan gyur cing/ dad ldan don gnyer du mas bskul gyur pas/ tshul 'di