[A:150]snyan brgyud legs bshad skal bzang kun la sgrog /thub bstan dar rgyas 'phel ba'i bkra shis shog /ces bdag chen rdo rje 'chang chen po chos kyi rgyal po blo gros rgyal mtshan dpal bzang po'i zhal snga nas kyi rnam par thar pa yid 'phrog utpa la'i do shal zhes bya ba 'di ni rang nyid rje btsun dam pa 'di'i mtshan thos pa tsam gyis snying gi spu long g.yo ba'i mi phyed pa'i dad pa yod pa dang / khyad par rje btsun rdo ring pa chen po'i zhal snga nas dam pa 'di'i rnam thar gyi cha shas gzhan dag gis thor bkod pa gzigs pa na/ 'di dag la sgro skur gyi cha shas cung zad dang / khyad par thun mong ma yin pa'i rnam thar gyi gtso bo mang dag ma chug 'dug pas nged rang gi rje 'di'i rnam thar zhig cis kyang rtsom dgos pa yod cing / de yang rtsom tshul 'di ltar byed ces yang dang yang du lan mang po'i bar ched du gtad nas gsung ba zhig yod kyang / rje nyid kyis mdzad grub pa zhig ma byung gsung / de la dus phyis legs par brtags pa na/ de'i tshe kho bo cag la yang dang yang du bka' stsol ba de ma 'ongs pa na khyod kyis 'di ltar rtsoms zhes lung ston pa kho nar gor ma chag ste/ de las gzhan du 'os mi 'dug pas/ rje bla ma'i thugs kyi bzhed pa ni/ 'di tsam mo snyam du rjes su dpags te dad pa'i rba rlabs ches cher g.yo bzhin pa'i ngang nas rje btsun rdo rje 'chang chen po kun spangs chos kyi rgyal po'i zhabs pad gtsug gis bsten cing bka' drin chen pos 'tsho ba'i shAkya'i dge slong rdo rje 'dzin pa blo gsal rgya mtsho grags pa rgyal mtshan dpal bzang pos dbus gtsang ru bzhi las ru lag gi sa'i cha/ bod kyi rdo rje gdan dpal ldan sa