[A:247]cha lung rdo rje'i brag rdzong gi /bya 'dabs chos rje sa skya paNDi ta chen po'i yum ma gcig nyi khri lcam gyi bsti gnas mang mkhar thub bstan dge 'phel gyi chos grar rje btsun bla ma chos dbyings su byon nas lo bcu phrag gcig dang lnga lon pa rnam 'phyang zhes bya ba sa pho khyi'i lo hor zla brgyad pa nyin byed gzhon nu smin legs mdzes mar rtse dgas rol ba'i tshes bco lnga rje bla ma'i dus kyi mchod pa'i nyin legs par grub pa 'dis kyang dpal ldan bla ma dam pa'i phrin las kyi rgyun phyogs dus gnas skabs thams cad du dar zhing rgyas la yun ring du gnas par gyur cig /nyer bzhi'i yul gyi mkha' 'gro bye ba dang / /dam can rgya mtsho bstan la dga' ba'i lha/ /rab tu dgyes pa'i mchod sprin 'di 'bul gyis/ /slar yang bstan pa 'dzin skyong spel bar mdzod/ /nyi gzhon 'od kyis pad tshal 'byed/ /ku mud me tog zum par byed/ /'o ma skyes bu'i 'tsho ba ste/ /brang 'gro'i srog 'phrog ha la'i bcud/ /de bzhin dam pa'i ngo mtshar gtam/ /skal bzang rna ba'i utpal rgyan/ /skal dman log rtog can dag gi /snying la zug rngu'i bcud len 'gyur/ /de bas gsang chen gtam 'di yang / /dad dang dam tshig ldan pa dang / /spyod ldan skal bzang gzur gnas la/ /ston gyis skal ngan dag la min/ /ces bka' rgyas kyang btab bo gu hya sa mA ya/ mangga laM// //