[A:490]chos rje kun dga' sangs rgyas la gnubs lugs kyi stag zhon lha mang gi dbang lung yongs rdzogs/ 'jam dbyangs sangs rgyas rin chen pas e waM chos ldan gyi mkhan po kun spangs pa mdzad nas thar rtser bzhugs dus rdo ring rin po ches khong sems dpa' chen po'i dbon yin cing rang re'i brgyud pa'ang chos rje rdo rje 'chang yab sras gnyis la thug gi yod gshis da lam 'dir brel ba langs pa'i chos kyi gseng zhig kyang 'dug pas khyed rang ngor du lam 'bras gsan par byon zhes phyag tham dang bcas thar rtser phebs par lam 'bras yongs su rdzogs pa/ mgon po'i nang 'khrid kyi man ngag chos rje dpal ldan rgyal po nas brgyud pa sogs dang gzhan dbang rjes gnang du ma gsan cing gsung ngag la bogs 'byin lta bu'i thugs bskyed kyang thon pas thugs mos shin tu che ba byung / mnal lam du rje rdo rje 'chang yin zer ba zhig dang mjal bas rkyen byas thugs rgyud la nyams rtogs khyad par can 'khrungs/
yab chos rgyal rin cen rgyal mtshan la yab chos du ma gsan cing bla ma 'di nyid kyis mgon po stag zhon dngos su bran gyi tshul du gtad pas las sgrub kyin 'dug pa'i rgyu mtshan lam yig na'ang gsal/ 'di yan la bka' drin che ba'i bla ma nyer bdun du mdzad cing gzhan yang bya 'gyur ba bsod nams seng ge la bya rgyud sgo drug sogs/ spyan snga shAkya rgyal mtshan la sgra snyan mngon brjod sdeb sbyor sogs/ grub chen rdo rje rgyal por khong rang gis rnal 'byor ma la dngos su gsan pa'i 'pho ba zab mo/ gong dkar tshul khrims pa la