[A:249]dam pa kha cig gis gsungs pa dang mngon shes yod par grags pa 'dras lung bstan pa 'dra yod na'ang / bdag gi spyod pa ngan pa 'dis yin zer ba de dag gi zhabs 'dren dang / lung ston pa po rnams la skur 'debs kyi rgyur song gi dogs nas 'god ma nus/ da ltar gyi rang ngos la ji ltar yod pa'i skyon yon thams cad lhug par bkod pa 'di ni lcags mo bya'i lo zla ba brgyad pa'i nyer dgu nas brtsams te/ zla ba dgu pa'i nyer gcig lha'i bla ma rgyal sar byon pa'i 'grub sbyor dge ba'i nyin zhag la rdzogs par rje bla mas nye bar byin gyis brlabs pa'i gnas/ dpal sbug rnam par grol ba'i ri khrod/ gsang sngags rab 'byams kyi chos sgra rgyun mi 'chad par sgrog pa'i bsti gnas su/ mkhan chen mkhyen brtse ba rang nyid kyis legs par sbyar ba 'di'i shog bu thams cad zur gyi sngags 'chang 'jam dbyangs pas phul te mthar phyin bar grub pa'o/ /de ltar sgro bskur dri mas ma gos shing / /don la rtog pa nyid du gang bkod pa/ /mkhas blun skye bo kun gyi gzhad gad gnas/ /'di ming ngo mtshar snye ma zhes bya'o/ /khyi so ring bsrel phung por song ba bzhin/ /rang snang dag na byin rlabs rgyud la 'jug /slog gsham 'drud pa'i skye bo de dag la/ /sangs rgyas dngos su byon kyang ci bgyid mchis/ /'di 'bad dge bas mkha' mnyam sems can kun/ /kun mkhyen bla ma dam pa'i rjes zhugs nas/ /nas bzhin kun la phan bde stsol ba'i rgyu/ /rgyu 'bras blang dor tshul bzhin byed par