[A:393]brgya'i chun po phyogs kyi sgeg mo'i 'gram par chags/ /chos kyi sbyin pos chos bzhin du/ /sa skyong sa yi dbang phyug ni/ /mkhyen ldan mched bcas mkhyen pa'i gsung / /rnar snyan rna bar bskul ba'ang dran/ /bkra shis mtshan mas rnam mdzes pa/ /chos kyi 'dun sar rig 'dzin gyi/ /sde snod klog pa'i 'dus pa yang / /phal cher 'di don gnyer zhes thos/ /yongs 'dzin srid pa'i mig 'phrul can/ /dgyes spyod sa yi thig le ni/ /phun tshogs 'byor pa yol mda'i ljongs/ /shel dkar ra ba'i khor yug dang / /lhan cig 'bras ldan ljon pa'i tshal/ /rnam rgyal 'dus pa'i bsti gnas ni/ /skal bzang kun dga'i ra ba yod/ /gangs can khor yug 'dzin ma'i dbus 'gyur tshal/ /ri ngos sman ljongs grub pa'i bsti gnas kyi/ /thongs zung skye ba'i smon lam mthu grub pa/ /dkar po'i las 'phro sad pa'i ku sA li/ /blo mchog smra ba'i zla ba cha shas can/ /gros 'dun gcig tu dkar ba'i ku mu da/ /rgyal kun bsngags pa'i ze'u 'bru kha 'byed pa/ /mtshan bzang ri dwags gzugs brnyan 'dzin pa shar/ /theg mchog mngon sum lam la nyams myong gi /'jug ngogs mthun dpe gsal ba'i rnam thar bzhin/ /dri lan shing rtar bzhugs pa padma'i gnyen/ /'jig rten 'di na bdud rtsi'i 'od brgya 'gyed/ /ye shes gzigs pa'i yongs 'dzin thugs rje'i phul/ /lang tsho'i rtse dgas bslus