[A:394]pa sha za mo'i/ /'jigs skyob lag pa'i 'chel pa sprin shugs bzhin/ /bde 'byor thar pa'i gling du bkri gyur cig /mi zad rgya mtsho'i klong las phyir bzlog gi /'gyur med bden pas bos pa'i mthun phyogs rlung / /gang la yid ches tshig gi rjes bzhugs bzhin/ /rnam gsum grub pa'i 'byor pa thob gyur cig /glegs bam mthong dang de tshig bsgrags pa'i dbyangs/ /rna bar son zhing de don dran rnams dang / /lhan cig sa gsum gnas pa'i yid can rnams/ /srid zhi'i rgud pa kun las bsrung gyur cig /rje bla ma rdo rje 'chang chen po gzhon nu blo gros zhabs kyi rnam thar theg mchog chos kyi gaNDi'i sgra dbyangs zhes bya ba dam pa de nyid las gtsug lag gnyis kyi bka' drin mang du thos pa'i dge slong spong ba pa blo gros rgyal mtshan dpal bzang po'am/ ming gzhan dbyangs can phun tshogs ngag gi dbang po'i sde bya bas sbyar ba'o// //
rnam thar ma 'di ga yin pa la/ bar du snyan ngag gi tshigs bcad yod pa mgo mjug ma tshang ba zhig yol rin chen gling nas byung ba mdzad pa po nyid kyis rgyas su btang ba'i 'dra min zhig yin par mngon/ tshar chen gyi rnam thar 'bri skabs dpe 'di ma 'byor bas khungs drangs pa rnams cig shos yin no// //
note>