[A:625]ldan pa yin pas de la kun gyis 'dud cing mtha' dmag mi 'byung ba'i smon lam gdab tu 'jug dgos/ des phan che'o zer ba yang 'dug /'chi 'pho skye ba dngos su gzigs pa yi/ /spyan mig gsal ba padmA ka ra yis/ /ma 'ongs lung bstan bsam gyis mi khyab par/ /log lta spangs nas gsol gdab byin rlabs 'jug /mang du thos pa'i mgon po klu sgrub de/ /rgya mtshor klu rgyal gdan drangs smin grol mdzad/ /kha ba can 'dir klu sgrub rgya mtsho zhes/ /mkhas grub du mas lung bstan der phyag 'tshal/ /zhes pa 'di zhwa lu sku zhang chos rjes rnam thar gyi gseb tu 'jug dgos zer bris pa'o/ /de ltar rtsom po rang nyid kyis zog dang rdzun dang hab 'gros spangs te legs par sbyar ba'o/ /rang gi lo rgyus gtam gyi mu tig 'phreng / /snyan tshig dar gyi srad bu la brgyus te/ /dad ldan sbyin dang bu slob rgyan du 'bul/ /rab dang sa rab dga' ba 'thob gyur cig/ //sarba mangga laM// //