[A:150]rdzogs kyi gsol 'debs rgya cher bsgrubs shing / bdag nyid kyis kyang rje de nyid kyi sku drin rjes su dran pa'i sgo nas yar klungs bkra shis chos sder/ zla ba byung ngo cog gi tshes mchod dang / dus chen chen mo'i skabs su dge 'dun brgya phrag las mi nyung bas/ tshe dpag med kyi sgrub mchod bstan pa rin po che nam gnas kyi bar du bsnyen bkur phun sum tshogs pa dang bcas tshugs par bgyis so/ /de ltar mchog gi bla ma'i ngo mtshar gtam/ /bgrang yas rgyal bas brjod par mi spobs na/ /bdag lta'i blo yis brjod par ga la lang / /'on kyang cung zad brjod 'di'i bsod nams kyis/ /gang gi thugs rjes bdag rgyud legs smin cing / /thub bstan rin chen phyogs kun rgyas pa dang / /'gro kun mchog gi bla mas rjes bzung nas/ /rang gzhan don gnyis lhun gyis grub par shog /gang de'i zhabs sen snying dbus padmo'i rtser/ /brtan par bzhugs pa'i 'dzum zhal bdud rtsi'i rgyun/ /nges par 'thung ba'i legs byas zlos gar gyis/ /'gro kun 'dren pa'i sa mkhan byed par shog /bdag dang mkha' mnyam 'gro ba thams cad kun/ /skye dang skye ba tshe rabs thams cad du/ /mgon po khyod la snying nas gsol 'debs na/ /brtse chen thugs rjes 'bral ba med par skyongs/ /gus pas phyag 'tshal mchod tshogs dpag med 'bul/ /nyes byas bshags shing dge la rjes yi rang / /chos 'khor bskor zhing bzhugs par gsol ba 'debs/ /dge des 'gro kun rnam grol mchog thob shog /de ltar bdag gi bla ma rje btsun sdings ma pa chen po de nyid kyi rnam par