[A:334]rang grol gyi cho ga /de yang nyi ma re la sgrub cing mchod pa dang 'jug cing dbang bskur ba dang bcas pa tshar gnyis re'i gsol ba 'debs pa dang / zhag bdun nas sta gon skyar ba sogs brgyud pa 'di pa'i sgros thun mong ma yin pa phyag len la lhad ma zhugs pa dang bcas dgung tshigs gnyis kyi bar du gsol ba btab pa'i bar la yang me tog gi char thul ba 'bab pa kun gyis mthong bar byung ngo / /gzhan yang 'bangs mnga' 'og tu gtogs tshad der ma 'dus pa'i skya ser pho mo thams cad la rtsam 'bo'i sbyin btang dang / der ma zad dge 'dun gyi sde dang sgrub sde so sor mang ja rtsam 'bo sbrel po'i bsnyen bskur dang / gzhan yang chos sde sgrub sde so so nas dus rgyun dang khyad par lo dus kyi mchod pa'i cha rkyen sogs thams cad/ rje btsun bla ma dam pa gang gi ye shes kyi gzigs pa dam pa mtshon pa'am spyan lam du 'byung zhing rgyas pa'i phyir/ gang gi sku gsung thugs mi zad pa rgyan gyi 'khor lo las bskrun pa'i rje btsun ngag dbang chos kyi rgyal po tshogs chen gyi dbu la gdan drangs te bsngo ba'i rten dang bcas pas mthar yongs su rdzogs par mdzad do/ /zhes yongs 'dzin dam pa grub pa brnyes pa'i dbang po 'jam dpal khro bo mi'i gzugs kyis rnam par rol pa 'bru'i sngags 'chang chen po bsod nams lhun grub chos 'phel grags pa rgyal mtshan dpal bzang po'i zhal snga nas kyi ngo mtshar gyi mdzad pa rin po che'i kha skongs su/ dam pa nyid gdul bya'i zhing khams rgya che ba gzhan du dgongs nas chos dbyings su gzigs pa'i rnam thar chung ngu 'di ni/ yongs 'dzin dam pa nyid kyi sku gsung thugs las 'khrungs pa'i byang chub sems