[A:386]dpon rje dpon ngag dbang chos rgyan/ dkar khung slob dpon las chen bsod nams chos 'phel sogs slob dpon gyi rigs mtha' yas shing / mos pa tsam yon tan du byed pa'i zhal slob kyi rigs ni bdag cag la sogs pa mtha' yas pas brjod par ga la langs/ de ltar slob brgyud rgyu skar gyi grangs las brgal ba dag gi yang slob nyid slob dang bcas pas 'dzin ma'i ljongs kun tu thub pa'i bstan pa rin po che dri ma med pa ji srid srid mtha'i bar du 'phel zhing rgyas par mdzad pa'i bkra shis dang dge mtshan bsam gyis mi khyab pa 'byung ba ni nges pa yang dag pa'o/ 'dir 'bad dge tshogs byin rlabs bdud rtsi'i chus/ bdag dang ma gyur 'gro ba'i sdig sbyangs te/ /tshe ring bde skyid chos la longs spyod cing / /rnam 'dren bla ma khyed dang mtshungs par shog /rgyus chung blo gros rmongs pa'i gar stabs kyis/ /'gal zlas nor 'khrul dbang 'khyams 'khyog po'i 'gros/ /ji snyed mchis la mkhas rnams mi khrel zhing / /thog med sdig dang lhan cig mthol zhing bshags/ /tshogs gnyis thugs bskyed rlabs chen sngon song gi /zhing 'di'i thub bstan nyin byed gsal ba la/ /mi mthun sgra gcan g.yul las rnam rgyal ba'i/ /pha rgod ngag dbang rje des bdag la srungs/ /deng nas byang chub snying po ma thob bar/ /mgon khyod zhabs dang nam yang mi 'bral zhing / /gsung gi bdud rtsis rang gzhan smin grol te/ /don gnyis 'bad med lhun gyis grub par shog /thub bstan dri med bshad sgrub dbyar mtsho bzhin/ /ma gyur 'gro rnams bde skyid phun sum tshogs/ /tshe ring chos mthun yid bzhin 'grub pa dang / /dge legs rnam mkhyen bcu gsum sa thob shog /ces dpal ldan bla ma dam pa rdo rje 'chang chen po ngag dbang chos kyi grags pa'i rnam thar byin rlabs kyi char rgyun dad pa'i dbyar mtsho rgyas byed ces bya ba 'di ni/ snga sor nas dam pa de nyid rang la rnam thar zhig gnang