[A:༤༩༦]སྐལ་བ་ཆེས་དམན་ཀྱང༌། །གསུང་རྒྱུན་བདུད་རྩི་ངེས་ལེགས་སྲོག་ཟུངས་སུ། །བསྒྱུར་ཕྱིར་དང་བས་རྣམ་ཐར་གླེང་བ་འདི། །ཨ་ཧོ་ལས་དཀར་མཐུ་ཡིས་རྙེད་ལ་རངས། །བསོད་ནམས་ཡོངས་བྱས་ཏེ་སེའི་གཙུག་ཏོར་ནས། །སློབ་བཤད་ཡན་ལག་བརྒྱད་ལྡན་ཉལ་འགྲོའི་ཀླུང༌། །བགྲང་རིང་སྐྱེ་བའི་བློ་གྲོས་ཆུ་གཏེར་ནང༌། །རབ་འབབ་ཐོས་བསམ་སྒོམ་པས་རོ་གཅིག་ཤོག །སྡེ་སྣོད་གསུམ་དང་རྒྱུད་སྡེ་ཀུན་གྱི་བཅུད། །ལོ་པཎ་ཞལ་དྲོད་མ་ཡལ་གསང་བའི་ཆོས། །ལེགས་འཛིན་བརྒྱུད་པ་མུ་ཐི་ལ་ཡི་འཕྲེང༌། །ཐུབ་བསྟན་དེ་སྲིད་ཆད་མེད་དར་གྱུར་ཅིག །ཅེས་དཀྱིལ་འཁོར་རྒྱ་མཚོ་སྤྲོ་བ་དང་བསྡུ་བའི་བྱེད་པ་པོ་དཔལ་ལྡན་རྡོ་རྗེ་སེམས་དཔའ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་བརྗོད་བདུད་རྩིའི་ཟ་མ་ཏོག་ཅེས་པ་འདི་ནི་མཁན་ཆེན་རྡོ་རྗེ་འཛིན་པ་ཆེན་པོ་རིན་ཆེན་བསོད་ནམས་མཆོག་གྲུབ་ཀྱིས་རིང་པོ་ནས་གྱིས་ཤིག་པའི་བཀའ་སྩལ་དང་དབོན་མཁྱེན་རབ་བློ་ལྡན་དང་མཁྱེན་རབ་རྣམ་རྒྱལ་གཉིས་ཀྱིས་ཀྱང་བསྐུལ་བ་ལ་བརྟེན་ནས་བགྱིད་མདུན་ཆེ་ནའང་དོན་མེད་ཀྱི་གཡེང་པས་སྙོམས་ལས་སུ་ལུས་པ་ཉེ་ཆར་ཨཱ་ན་ལ་ཞེས་པ་མེ་འབྲུག་ཧོར་ཟླ་གཉིས་པའི་མཇུག་ནས་སྙན་བརྒྱུད་བསྟན་པའི་ཉི་མ་མཁན་ཆེན་ཞ་ལུ་པ་ཆེན་པོས་སྐྱིད་ཤོད་ལྷོ་མོས་གཞིས་ཀར་གསུང་ངག་རིན་པོ་ཆེ་ལམ་འབྲས་སློབ་བཤད་འཛུགས་པ་གནང་སྐབས་གསང་ཆེན་བསྟན་པའི་ཤིང་རྟ་པ་བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ། ཁྱབ་བདག་བཀའ་འགྱུར་བ་ཆེན་པོའི་དབོན་རིན་པོ་ཆེ་ནམ་མཁའ་བསོད་ནམས་དབང་གི་རྒྱལ་པོ། གྲུབ་པའི་དབང་ཕྱུག་ལྕགས་ཟམ་པའི་གདུང་འཛིན་སྒེར་པ་ཆོས་རྗེ་ངག་དབང་