[A:༣༩༠]༄༅༅། །སྭསྟི་པྲཛ་བྷྱཿ རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀཿངུར་སྨྲིག་གར་གྱིས་རྣམ་པར་རོལ་པ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་ཏོག་ཅེས་བྱ་བ་རིགས་ཀུན་བདག་པོ་བླ་མ་མཆོག་གིས་ཟུང་འཇུག་ལམ་བཟང་མངོན་གྱུར་དེ་སྲིད་བྱིན་གྱིས་བརླབ་ཏུ་གསོལ། མཁའ་ཁྱབ་མཁའ་ཡི་རྡོ་རྗེ་སྟོང་ཆེན་གཟུགས། །འཕོ་མེད་དབང་ཕྱུག་བདེ་ཆེན་གྱིས་དྲངས་ཐུགས། །རབ་བརྟན་བཤད་སྒྲུབ་བསྟན་པའི་རྒྱལ་མཚན་ཆེ། །སྒྲེང་མཛད་དཔལ་ལྡན་སྐལ་བ་བཟང་པོར་བསྔགས། །ཚོགས་གཉིས་ལུས་སྟོབས་རྒྱས་པའི་ས་སྲུངས་དབང༌། །ཁམས་འདུས་འཕྲེང་གེགས་ལྕགས་ཀྱུ་ལས་གྲོལ་ཏེ། །གྲུབ་པའི་མཐའ་སྙོགས་ལམ་དུ་ཟུང་འཇུག་གོམ། །ལྷོད་པོར་སྐུ་གསུམ་གྲོང་བགྲོད་ཚུལ་འདི་མཚར། །མཁས་ངོམ་རྨོངས་པའི་ཞུམ་པ་མི་སྟོན་པར། །མ་བཅོས་ལྷུག་པའི་ཐུགས་ཀྱི་ཤེལ་