[A:496]skal ba ches dman kyang / /gsung rgyun bdud rtsi nges legs srog zungs su/ /bsgyur phyir dang bas rnam thar gleng ba 'di/ /a ho las dkar mthu yis rnyed la rangs/ /bsod nams yongs byas te se'i gtsug tor nas/ /slob bshad yan lag brgyad ldan nyal 'gro'i klung / /bgrang ring skye ba'i blo gros chu gter nang / /rab 'bab thos bsam sgom pas ro gcig shog /sde snod gsum dang rgyud sde kun gyi bcud/ /lo paN zhal drod ma yal gsang ba'i chos/ /legs 'dzin brgyud pa mu thi la yi 'phreng / /thub bstan de srid chad med dar gyur cig /ces dkyil 'khor rgya mtsho spro ba dang bsdu ba'i byed pa po dpal ldan rdo rje sems dpa' dbang phyug rab brtan bstan pa'i rgyal mtshan dpal bzang po'i rtogs brjod bdud rtsi'i za ma tog ces pa 'di ni mkhan chen rdo rje 'dzin pa chen po rin chen bsod nams mchog grub kyis ring po nas gyis shig pa'i bka' stsal dang dbon mkhyen rab blo ldan dang mkhyen rab rnam rgyal gnyis kyis kyang bskul ba la brten nas bgyid mdun che na'ang don med kyi g.yeng pas snyoms las su lus pa nye char A na la zhes pa me 'brug hor zla gnyis pa'i mjug nas snyan brgyud bstan pa'i nyi ma mkhan chen zha lu pa chen pos skyid shod lho mos gzhis kar gsung ngag rin po che lam 'bras slob bshad 'dzugs pa gnang skabs gsang chen bstan pa'i shing rta pa bco brgyad chos rje byams pa ngag dbang lhun grub/ khyab bdag bka' 'gyur ba chen po'i dbon rin po che nam mkha' bsod nams dbang gi rgyal po/ grub pa'i dbang phyug lcags zam pa'i gdung 'dzin sger pa chos rje ngag dbang