[A:༥༠༠]༄༅༅། །ཨོཾ་སྭསྟི་སིདྡྷཾ། དུས་གསུམ་རྒྱལ་ཀུན་མཁྱེན་བརྩེ་ནུས་པའི་རང་གཟུགས་དཀྱིལ་འཁོར་རྒྱ་མཚོའི་གཙོ་བོ་ཁྱབ་བདག་རྡོ་རྗེ་སེམས་དཔའི་ངོ་བོ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་ངོ་མཚར་དད་པའི་རླབས་ཕྲེང་ཞེས་བྱ་བ་གདན་གསུམ་ཚང་བའི་དཔལ་ལྡན་བླ་མ་དམ་པའི་ཞབས་སེན་ཟླ་བའི་ཅོད་པན་བྱང་ཆེན་མཐར་ཐུག་གཙུག་ཏོར་རྩེ་མོར་འཆིང་བ་དེ་སྲིད་བརྩེ་བ་ཆེན་པོས་རྗེས་སུ་བཟུང་སྟེ་བྱིན་གྱིས་བརླབ་ཏུ་གསོལ། རིགས་ཀུན་བདག་པོ་རྡོ་རྗེ་འཆང་ཆེན་མི་ཡི་གཟུགས་སུ་སོང་བའི་གར། །དང་པོའི་མགོན་པོ་བསོད་ནམས་ཞིང་དུ་ཨེ་ཝྃ་ཟུང་འཇུག་སྒྱུ་མའི་འཕྲུལ། །རྣམ་ཀུན་མཆོག་ལྡན་འགྲོ་ལ་རྗེས་བརྩེ་བསྟན་པའི་རྒྱལ་མཚན་ལེགས་འཛིན་པ། །དཔལ་ལྡན་བླ་མ་མཁས་བཙུན་བཟང་པོའི་འཁོར་ལོས་སྒྱུར་དེ་རྒྱལ་གྱུར་ཅིག །གདུལ་དཀའ་འདུལ་ལ་དཔའ་བའི་སྙིང་སྟོབས་ཀྱིས། །བརྒྱ་པའི་ཚེ་དུས་མཆོག་