nas/ ra tri ta hUM phaT/ Dombhi ni hUM phaT sogs dang / gdong brnyan can nag po bdag chen thugs dam dang / rdo rje gdan pa'i thugs dam sgrub dus mda' gang tsam mo/ /mkha' sngo sangs rang du bud med sngo nag dpral bar mgron bu btags pa zhig gis da dung sgrib pa ma byang ba 'dug zer sdigs mdzub nam mkha' la bstad do/ /bi rU pa shin tu che gsal ba dang / sa chen na bza' 'od 'phro ba sngon po zhal ras dmar mdangs che ba gwa dang bcas pa/ shangs su tshe dpag med dang / drag dmar yongs rdzogs/ bsam grub tu dbu dgu pa shin tu gsal ba/ 'dar mgon khang du nA ro pa mi tshad tsam/ yang ayon gyi thugs kar kye rdor lha dgu mkha' spyod drug /zla ba brgyad pa'i tshes bcu'i tho rangs ayon da lta ji lta ba rang la yang gter sogs yin snyam/ sgam/ pag shi /'ja' gur 'ja' skya 'dug /sa skya pa chen po gos sngon dwangs gsal rnyog med/ shangs su lhan skyes/ 'jam dpal bshes gnyen las gu ruu rgya dang bcas pa'i gru bzhi sgor mo gsal/ 'dar du tshe dpag med/ skye bdun grol 'phral ayon che zhing gsal/ padma ni mi gsal/ thugs rje chen po zhal bcu gcig dang bcas shin tu gsal/ yang sa chen gyi rnam thar yin yang zer ayon rnam thar yin pa'i khul gyi byang shing / dkar thal srab mo yod pa la yig 'phreng bzhi bris pa rten khebs kyis gril ba zhig byung / de'i sang zab brgya'i po ti dwags po nas 'byor yang lan cig gtor bsngos kyi skabs chos skyong thams cad zang nge dang zing nge nyams snang du byung / chos rje tshar pa zha thul ser po bzhes pa zhig kyang byung / 'di bzhin la dpags na zab gter bzhes rgyu zhig kyang yod par mngon/ kun mkhyen bus/ rang nyid rgyal 'dod pha rol dma' dbab 'dod/ /g.yo rgyu'i rtsod pa tshig rtsub ngan sems can/ /ngag kyal sna tshogs smra zhig gzhan gter sgo de rgyud bsreg /da lta'i rtsod pa 'di yang dmyal ba'i rgyu/ /zhes pa'i don ltar rtsod pa 'di gzhan dag rang gi nyes pa khas blangs nas spang blang mi byed pas phrag dog dang kun slong ngan pa 'phel te bstan sel gyi rgyu las med gter rtags/ kha byang btab 'dug brag phug ces mi mdzad/ thugs rab kyi klong shin tu yangs pas tshigs bcad lhug gang la'ang phun sum tshogs shing dper na dus kyi 'khor lo'i mngon dkyil dang rnam sras lnga phrag lnga'i chog sgrigs ltar chos rgyun mi nub pa'i btsas su nges par 'gro na yang mi dgos kha med re gnyis ma gtogs gsar pa mangs pa dam pa gong ma rnams kyi gsung rab nub pa'i rgyur 'gro zhes brtsams chos po ti du mar longs pa yod skad kyi rang che mi 'byin/ skya ser mang po tshogs pa'i sar rang nyid mkhas so'i grags pa sgrog ched dgos med du bshad pa mkhas nyams mi gnang zhing khyad par gsang sngags kyi chos snod ldan ma gtogs nor dang ngo bsrung gi slad du ston pa dang khrom sgrogs mdzad par ya shin tu nga ba'i gleng brjod dang de dang mthun par bka' dam par mchis/ thugs phra rags kyi bskyed rim la brtan pa thob cing rdzogs rim gyi lam bzang po'i grub mtha' snyogs pa rnal 'byor dbang phyug dang lo chen 'brog mi lta bu'i bsam gyis mi khyab pa'i gnas rnams brjod pa'i yul las 'das mod mdo rgyud kyi chos tshul gang la'ang tshegs chung ngu tsam gyis thugs su chud pas dus 'khor dang