/ring por mi thogs 'grub par bdag byin rlobs/ /spyi dang khyad par tshar chen yab sras kyi/ /snyan brgyud tshad ma bzhi ldan ring lugs bstan/ /ma pham dbus 'gyur 'chang du 'byon min par/ /thos bsam bsgom pa dar zhing rgyas gyur cig /de ltar 'a zha rgyal po'i gdung las bka' drin mtshungs pa ma mchis pa'i dpal ldan bla ma dam pa khyab bdag rdo rje sems dpa'i ngo bo mgon po bsod nams mchog ldan bstan pa'i rgyal mtshan dpal bzang po'i rnam thar dad pa'i rlabs phreng 'di ni rdo rje 'chang chen po mkhan chen zha lu pa rin chen bsod nams mchog grub kyis ring po zhig nas bka' gnang zhing dbon mkhyen rab rnam rgyal dang mkhyen rab blo ldan gnyis kyis reg zig dang bcas snga mo nas bskul ba dang / rdo rje bra nas rig 'dzin sprul pa'i sku mchog sogs dad 'dun can du mas mtshams sbyar ba ltar 'dun pa rtse gcig pa yod na'ang kho bo don med rnam g.yeng gi yang bran du gyur pas mos pa lam byed du song ba nye lam rdo rje 'chang mkhyen rab rin po che'i dbon rigs rgyud sde rgya mtsho'i mnga' bdag bco brgyad chos rje byams pa ngag dbang lhun grub/ khyab bdag bka' 'gyur ba chen po'i dbon rin po che nam mkha' bsod nams dbang gi rgyal po/ grub pa'i dbang phyug lcags zam pa chen po'i gdung rigs rjes drung ngag dbang bstan 'dzin phun tshogs gsum gyis thog drangs skal ldan gyi gdul bya nyi shu skor la zhwa lu mkhan chen kun spangs pa chen pos skyid shod dogs bde lho mos gzhis kar mdo rgyud rgya mtsho'i yang snying nges don snying po'i dam chos gsung ngag slob bshad rin po che rdzogs par stsal ba'i tshe dpon slob gsum gyis bla ma brgyud pa'i kha skong du cis kyang rtsoms shig par gsung gis bskul ba la brten nas slob bshad 'dzin pa'i za hor gyi bande ngag dbang blo bzang rgya mtsho 'jigs med go cha thub bstan lang tsho'i sdes A na la zhes pa me 'brug nag pa zla ba'i tshes bcu bdun lhag pa lha mtshams kyi 'grub sbyor nas dbu btsugs na'ang zin bris la dogs gnas mang ba'i phyogs kun tu dri mol gyi sgugs sdod la brten dal 'gros kyi ngos snron gyi zla ba'i yar ngo'i tshes gnyis rdo rje 'chang dbang phyug rab brtan gyi dus dran gyi nyin rgyal khab chen po dmar po rir sbyar ba'i yi ge pa ni gnas brtan rig pa 'dzin pa 'jam dbyangs grags pas bgyis pa slob bshad zab mo'i bstan pa rin po che phyogs dus gnas skabs thams cad du dar zhing rgyas la yun ring du gnas pa gyur cig /manggalaM//