[A:500]/ /oM swasti siddhaM/ dus gsum rgyal kun mkhyen brtse nus pa'i rang gzugs dkyil 'khor rgya mtsho'i gtso bo khyab bdag rdo rje sems dpa'i ngo bo mgon po bsod nams mchog ldan bstan pa'i rgyal mtshan dpal bzang po'i rnam par thar pa ngo mtshar dad pa'i rlabs phreng zhes bya ba gdan gsum tshang ba'i dpal ldan bla ma dam pa'i zhabs sen zla ba'i cod pan byang chen mthar thug gtsug tor rtse mor 'ching ba de srid brtse ba chen pos rjes su bzung ste byin gyis brlab tu gsol/ rigs kun bdag po rdo rje 'chang chen mi yi gzugs su song ba'i gar/ /dang po'i mgon po bsod nams zhing du e wa~M zung 'jug sgyu ma'i 'phrul/ /rnam kun mchog ldan 'gro la rjes brtse bstan pa'i rgyal mtshan legs 'dzin pa/ /dpal ldan bla ma mkhas btsun bzang po'i 'khor los sgyur de rgyal gyur cig /gdul dka' 'dul la dpa' ba'i snying stobs kyis/ /brgya pa'i tshe dus mchog