[A:༡༠༩]དབང་འགུགས་པའི་ལྕགས་ཀྱུ་འདི་ནི་མཁྱེན་རབ་ཀྱི་དབང་ཕྱུག་བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ། ལྷ་རིགས་འ་ཞྭའི་རྡོ་རྗེ་འཛིན་པ་ནམ་མཁའ་བསོད་ནམས་དབང་གི་རྒྱལ་པོ། ལྕགས་ཟམ་ཆོས་རྗེ་ངག་དབང་བསྟན་འཛིན་ཕུན་ཚོགས་གསུམ་གྱིས་གསུང་ངག་བརྒྱུད་པའི་ཁ་སྐོང་ལ་རྩོམས་ཤིག་པར་བསྐུལ་མ་མཛད་པས་མཚམས་སྦྱར་རང་ཉིད་ཀྱང་མཆོག་ཏུ་དད་པའི་སྤྲོ་བ་ཆེན་པོས་ཀུན་ནས་བསླངས་ཏེ་རྗེ་བླ་མས་རེག་ཟིག་ཏུ་མཛད་པ་ལ་གཞི་བྱས་འཕགས་པའི་ཡུལ་དུ་ཨཱ་ན་ལ་ཞེས་མེ་དང༌། མང་བཀུར་རྒྱལ་པོའི་ཁབ་ཏུ་བིང་ཤིང་ཞེས་གཡུ་འབྲུག་གོས་དམར་ཅན་གྱི་ལོ་ཆུ་སྟོད་ཟླ་བར་ཤེས་རབ་ཀྱི་ཆའི་བཟང་པོ་གཉིས་པ་པ་སངས་ནམ་གྲུའི་འགྲུབ་སྦྱོར་གྱི་དུས་དགེ་བར་ཟ་ཧོར་གྱི་རིགས་ལས་ལོ་རྒྱུས་སྨྲ་བའི་བཙུན་པ་འཇམ་དབྱངས་དགའ་བའི་བཤེས་གཉེན་དུ་འབོད་པས་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་འཕྱོང་རྒྱས་སྤུན་བདུན་པ་ལྷུན་གྲུབ་རྒྱ་མཚོས་བགྱིས་པ་ཕྱོགས་དུས་གནས་སྐབས་ཀུན་ཏུ་ལཀྵྨཱི་བྷ་ཝནྟུ།། མངྒལཾ།།