[A:108]sprul pa'i lus/ /pus mo'i lha nga sar btsugs gus phyag 'tshal/ /phyi nang gsang mchod blo 'das rang sems ngor/ /yongs 'phrod nam mkha' mdzod kyi sgo 'phar dbye/ /sdig ltung mtshan gyi smag rum stobs bzhi yi/ /gsar pa'i skya rengs kyis bsangs snying nas bshags/ /theg gsum skye 'phags yongs kyis byas so cog /ston zla'i mdangs 'dzin dge la lhag par rangs/ /bgrang yas rgyud sde rgya mtsho'i chos 'khor kun/ /thub bstan de srid bar du bskor bar bskul/ /mgon khyed nges pa lnga ldan longs sku bzhin/ /bskal brgyar mya ngan mi 'da' bzhugs gsol 'debs/ /'dis mtshon rnam smin dkar por gsags pa'i las/ /ma lus mu mtha' yas pa'i sems can tshogs/ /byang chen 'god ched rdo rje'i slob dpon zhabs/ /g.yung drung lta bur mi g.yo'i rgyu ru bsngo/ /dpyad gsum kun nas dag pas yid ches gnas/ /gnas lugs gsong por brjod pa 'khrul bral tshig /tshig don lung rigs 'brel 'di blo ldan tshogs/ /tshogs kyi dbus su dga' ba'i gtam du long / /zab zab rtogs par dka' ba'i rnam par thar/ /snyan snyan brling po'i sdeb sbyor nyer spangs te/ /yang yang rang gi yid la goms pa tsam/ /gsal gsal mchog dman yongs la phan phyir bkod/ /legs byas phung por spungs 'dis yang srid kun/ /dge ba'i bshes gnyen mu thi la yi char/ /rtag tu babs nas gtan 'dun zla bzhin ma/ /'grub pa'i skal pa bzang por 'gyur bar shog /ces gdan gsum tshang ba'i rdo rje'i slob dpon mkhan chen zha lu pa tshe dbang lhun grub rab brtan bstan pa'i rgyal mtshan dpal bzang po'i rnam par thar pa dpyod ldan yid