[A:403]byon mkhas dang grub pa'i rnam par thar/ /dpag dka' mdzad phrin mkha' lding dbang po'i rjes/ /bdag 'dra za nyal 'chag gi pha bong gis/ /snyegs pa rang nyid ngal ba'i rgyu min nam/ /'on kyang 'jam dpal rdo rje lcang lo'i tshul/ /'dzin pa'i bka' nan gyen du ma ldog cing / /dad ldan gsung nan dbyar skyes rngas bskul tshe/ /bdag blo'i gtsug ldan rtogs brjod glu dbyangs len/ /'dis mtshon dus gsum bsags pa'i legs byas kyis/ /phan bde'i 'byung gnas rgyal bstan padmo'i gnyen/ /bshad sgrub 'od zer phyogs brgyar 'phro bzhin du/ /'gro kun yid kyi nam mkhar rtag 'char shog /de 'dzin mkhas grub yid bzhin dbang gi rgyal/ /skye rgu'i gtsug gi rgyal mtshan rtser mchod nas/ /legs bshad 'dod rgu'i char gyis yid can kun/ /tshim ste legs pa'i lam la 'khrid par shog /thog med dus nas mar gyur 'gro ba rnams/ /bde skyid rdzogs ldan dpal la legs spyod cing / /mthar thug nges legs lam la rab zhugs nas/ /zung 'jug bcu gsum rdo rje'i sa thob shog /rtsa brgyud bla ma yid dam byin rlabs dang / /chos srung dam can rgya mtsho'i mthu stobs rtsal/ /gter bdag nor lha'i tshogs kyi nus mthu yis/ /bsam don yi bzhin 'grub pa'i bkra shis shog /ces rtogs brjod shel dkar gyi phreng ba zhes pa 'di ni 'jam mgon sngags 'chang chos kyi rgyal pos 'di bzhin gyis shig pa'i bka' gnang ba dang / rigs dbon zhabs drung rin po che/ grub pa'i dbang phyug chos rje rin po che sogs dad ldan slob bu mang po'i gsung nan ma chogs pas/ khams gsum chos kyi rgyal po ngag dbang