[A:404]blo bzang rgya mtsho 'jigs med go cha thub bstan lang tsho'i sde chen po dang / bstan 'gro'i gtsug rgyan dpal sa skya pa sngags 'chang chos kyi rgyal po yab sras/ skyabs gnas kun 'dus khyab bdag rdo rje 'chang mkhyen rab bstan 'dzin bzang po khu dbon/ dkyil 'khor rgya mtsho'i dbang phyug khyab bdag zhwa lu pa chen po tshe dbang lhun grub rab brtan bstan pa'i rgyal mtshan dpal bzang po sogs/ yongs 'dzin dam pa rnams kyi zhabs rdul spyi bos len pa lha btsun mkhyen rab byams pa ngag dbang lhun grub kyis khyu mchog gi lo chu stod kyi zla ba'i gral tshes dge bar res gza' lha'i bla ma dang rgyu skar rgyal mdzoms pa'i 'chi med grub pa'i 'grub sbyor bzang po sbyor ba 'phel ba/ byed pa rkang bzhi/ dbyangs A/ gsal byed mA/ khams nam mkha'/ 'dod yon sgra rnams lhan cig 'dus pa'i nyin shrI nA lendra rnam par rgyal ba'i bla brang lcang lo can du re zhig rdzogs par sbyar ba'i yi ge pa ni chos mdzad mched dang / rab 'phel gyis bgyis pa dge legs 'phel bar gyur cig/