[A:405]gyis ma gos kyang / /nyi ma'i gnyen gyi rang lugs pha mtha' yas/ /spyi dang khyad par mkhyen rab bla ma yi/ /bstan pa mi nyams nyin mor byed slad du/ /bsam bzhin srid pa len pa'i 'gro ba'i mgon/ /drin can bla ma rdo rje 'chang dngos rgyal/ /byang chub bar du mi 'bral snying dbus bzhugs/ /zhes mchod par brjod nas/ de'ang bdag sogs lha dang bcas pa'i 'gro ba thams cad kyi mgon dang skyabs gcig pu/ rigs dang dkyil 'khor kun gyi spro dang sdud pa'i bdag nyid can/ pha bla ma srid zhi'i gtsug rgyan de nyid thog ma med pa'i sngon rol nas tshogs gnyis rdzogs te mngon par rdzogs par sangs rgyas su zin kyang / drang don gdul bya'i snang ngor mchog gi sprul pa'i sku nas rdzing dang zam pa'i bar du 'gro ba sems can gyi don mdzad par 'di dang 'di zhes tshad gzung du yod pa zhig ci la yin kyang / bskal pa bzang po 'dir 'byon dang byon pa rags rim tsam brjod pa'i dbang du song na/ ma byon rnam 'dren lnga pa rje btsun byams pa dang / bdag cag gi ston pa'i nyan thos rnams kyi nang nas 'dul ba 'dzin pa rnams kyi gtsug rgyan nye bar 'khor/ mchog gi slob dpon chen pos gangs can ljongs 'dir smin grol gyi gdams pa yongs su gtad pa'i rje 'bangs nyi shu rtsa lnga'i nang tshan rgyal ba mchog dbyangs/ 'phags yul mkhas grub kun gyi gtsug rgyan rje btsun dam pa rgya gar/ snyigs dus rgyal bstan spyi dang bye brag dpal ldan sa skya pa zhes mtshan srid pa gsum gyi khor yug tu nyi zla ltar grags pa'i bstan pa'i srog shing kun mkhyen shes bya kun rig /nges gsang rgyud sde kun gyi snying po zab lam