[A:625]mchog grub kyang zhabs phyir yod/ de grol 'phral 'bras spungs gnas chung nas lhun grub chos 'byor can gsum pheb par kye rdo rje'i dbang ras bris la brten pa/ mkha' spyod ma'i byin rlabs dang / khrid smin pa dang / gur lha brgyad dang / dmag zor ma'i rjes gnang thun mong ma yin pa bgyis/ ra ba smad nas rab 'byams pa'i byams pa dang lding dpon a mgon sogs bcu skor dang / mda' phu dgon nas stag ru ba'i chos lags sogs lnga bcas par bde mchog lha lnga'i dbang sta gon dngos gzhi bcas dang / kun rig gi dbang / 'ch-i med dpal ster gyi tshe dbang / mda' phu rnams la dmar khrid tshem ca bu lugs kyi shar khrid rnams byas/ 'phags sde pa kun dga' 'byung gnas bcas bzhi/ rnam ser rab 'byams pa lhun grub rgyal po bcas par dge tshul dang / 'byung 'dul dang / gur lha brgyad kyi rjes gnang byas/ bsam yas nas sleb 'phral yab sku zhabs dang / sde pa bka' blon gnyis bcas nas lan drug gi bar bka' tham gnang ba'i 'ong dgos tshul pheb kyang khams ma drag pas bka' 'gyang zhus/ sde pa khrus phu nas yab lha sa nas tshur lam pheb pa'i bka' blon zhal ngo gnyis sogs nas gang ci'i gsung 'phros rgyas par gnang 'dug tshul dang / khams bde mus byung na gang mgyogs phyin pa rang dga' ba 'dug tshul pheb cing / 'di skabs grwa pa rnams dang gtso bor bla brang nas khur blangs pa'i sku 'bum la zhig gso/ gzhi bdag gi mkhar sogs rgyas par bgyis pa'ang gegs med du grub/