[A:324]gcig tu nye bar song ba na/ ting nge 'dzin gyi gsal snang mched cing / grub pa'i rtags byung nas/ spyil bu'i phyi nang thams cad 'od dmar ser gyis lam gyis khyab/ mas kha zas skyel du 'ongs pas/ de ltar mthong ste spyil bu la me shor ro snyam nas/ cho nges btab pas ting nge 'dzin sad de/ 'od kyang yal lo/ /der yab na re/ de ltar gsal snang de la zhag bdun du bzhag na/ 'phags pa 'jam dpal dngos dang mnyam pa zhig 'ong na 'ang / cung zad bar chad du song / 'on kyang rig pa'i gnas thams cad la thogs pa med pa'i blo gros rgyas pa zhig 'ong gsung / de ltar byung yang byung ste/ yi ge dang / bzo'i gnas thams cad dang / sdeb sbyor mngon brjod la sogs pa ma bslab par shes/ gzhan yang rig pa'i gnas rnams la klog pa tsam dang / shin tu dka' ba rnams kyang tshar re zung re bltas pas thams cad shes te/ mkhas pa'i dbang phyug chen por gyur/ ji srid 'tsho'i bar rten dge bsnyen yin/ yab la ji tsam mnga' ba'i gsang 'dus bde kye sogs gsan/ gzhan yang bla ma mang du bsten/ khyad par chos thams cad 'phags pa 'jam dpal dngos la gsan par nus/ gang gi tshe bram ze snying po'i zhabs sku 'das pa'i 'og tu/ rgyal po ma hi pA la'i dus rgyal po'i sa tra ma thob pas/ yul sna tshogs su/ lha khang rnams la phyag mdzad pa dang / paNDi ta rnams dang rig pa 'gran pa'i phyir byon te/ lan gcig kha sarpa Nar byon pa na/ sgo drung na mi g.yo ba'i sku shin tu khros pa zhig gzigs nas/ srin po'i gzugs can 'di lta bu snyam nas ma dad pa zhig byung / mnal lam du/ thub pa'i dbang po'i thugs ka nas mi g.yo ba mang po spros nas/ gdug pa can tshar gcod pa rmis pas/ sangs rgyas kyis thabs la mkhas pa la ma dad pa byas so snyam nas