[A:714]drag rtsub rang zhir mdzad la 'dud/ /yongs rdzogs bstan pa'i nyams len slob bshad chos/ /skal ldan gdul byar 'doms tshe ka bzhi dang / /gdung brgyad zhal slob lung bstan bdag med ma'i/ /dbang tshe bdud rtsi 'khol 'bar lud la 'dud/ /gzhan yang snod ldan slob mar nang gi ni/ /phag mo mig lam stsal dang bir bsrungs dus/ /nyi zla 'gro 'ong bkag sogs rdzu 'phrul gyi/ /ngo mtshar mang du bstan la gsol ba 'debs/ /dbang lung man ngag rjes gnang khrid kun kyang / /bka' babs phyag bzhes ngo sprod la sogs pa/ /ma 'dres brda don 'phrod pa'i gsung snyan pos/ /gdul bya'i blo gros spel la gsol ba 'debs/ /sngags 'chang chos rje a mes zhabs sogs kyi/ /mdzad bzang rjes su slob pa'i thugs bskyed ltar/ /tshogs phebs gdung rigs spel dang debs bsgrigs sogs/ /ngo mtshar phyag rjes srid mthar gsal la 'dud/ /bstan 'gro'i don du sku srog phongs med btang / /gdug rtsub dgra 'dre byams dang snying rjes sbyangs/ /'khrul snang a 'thas rdzun gtibs kun 'dag dang / /kun bzang rang dbang thob la gsol ba 'debs/ /zhes sa gsum 'gro ba'i bla ma yab rje rdo rje 'chang ngag dbang kun dga' blo gros sangs rgyas bstan pa'i rgyal mtshan dpal bzang po'i rnam thar gsol 'debs mdor bsdus pa 'di'ang / gang gis skye ba du mar rjes su bzung ba'i bka' slob kyi tha shal wa kun bkras kyis yud tsam zhig la sbyar ba'i dge bas bdag sogs skye 'gro kun gyi rgyud la byin rlabs myur du 'jug pa'i rgyur gyur cig /de ltar rnam thar gsol 'debs mdor bsdus kyis/ /ngag snyan