[A:19]bstan par gyur kyang / ston pa mya ngan las 'das nas lo nyis stong lnga brgya zhig na dam pa'i chos kyi snang ba med pa las/ sangs rgyas dang byang chub sems dpa' rnams kyi thugs rje'i stobs kyis lha tho tho ri snyan btsan la sogs pa'i rgyal po dang / blon po dang / sgra bsgyur chen po sambho Ta dang / bram ze A nanda la sogs pa byon te bod kyi yul du dam pa'i chos rgyas par mdzad nas mdongs par gyur kyang skal pa dang ldan pa rnams kyi ma rig pa'i ling tog bsal nas dus las yongs su 'das par gyur to/ /de nas yang dam pa'i chos cung zad nub par gyur kyang re zhig na gdul bya skal ba dang ldan pa de dag smin par bya ba'i phyir byang chub sems dpa'i sprul par gyur pa byung ba ni/ sgyur byed kyi dam par gyur pa byang chub sems dpa' chen po rin chen bzang po dang / bla ma chen po shAkya ye shes zhes bya ba dang / lo tsA ba 'gos lhas btsas zhes bya ba la sogs pa du ma byon pas chos kyi sgo du ma bsgyur zhing bstan pas 'gro ba du ma smin par mdzad nas yang dus las 'das par gyur pa'i tshe/ yang 'os su gyur pa'i gdul bya 'dul ba 'di ni kha ba can gyi sa'i cha 'di la dum bu gsum du gnas pa las bar gyi cha/ ru bzhi'i cha las ru lag gtsang stod grom pa'i yul gyi stod du sku 'khrungs pa'i bla ma chen po sa skya pa zhes gnas las mtshan du grags pa 'di ni/ nges par rdo rje 'chang chen po yin yang skal ba dang ldan pa'i sems can gdul ba'i phyir tha mal pa'i gzugs bzung ba 'di lta bu'i bla ma chen po de'i yon tan cung zad cig brjod par bya yis 'di la dad pa dang ldan pa'i skye bo rnams rna ba blags te nyon cig /'di ltar byang chub sems dpa' sbyin pa'i dpal 'di'i rigs kyi yon tan gyi dbang du byas na/ dge ba'i bshes gnyen brgyud pa'i rigs su gyur pa yin te/ de yang bod kyi sprul pa'i rgyal po khri srong lde btsan gyi sku ring la sgra bsgyur gyi lo tsA ba sad