[A:344]mi gzugs dud 'gro rnams/ /srid pa'i mtsho las bsgral du gsol/ /srid gsum mchod pa'i zhing mchog tu/ /bzhag pa'i sku gdung rin po cher/ /rgyud nas ji skad gsungs pa ltar/ /sri zhu'i bya ba rdzogs par bsgrubs/ /khyad par bla ma yi dam gnyis/ /dbyer med gcig tu bskyed byas nas/ /sgrub cing mchod pa la sogs pa'i/ /bsod nams sgo 'phar ci yang phyes/ /dbus gtsang dag pa'i mkhar shar ba'i/ /bla ma lha dang dge 'dun la/ /rnyed dang bkur sti stob pa sogs/ /bsod nams ji ltar nus bzhin bsags/ /dad pa'i chu yis snying brlan pa'i/ /skal bzang bsod nams zhing mchog tu/ /chos sku'i rten dang gzugs kyi sku/ /bris dang 'bur du bcas pa bzhengs/ /de sogs rjes kyi bya ba kun/ /'bad med lhun gyis grub pa dang / /ngo mtshar ltas kyang mang snang bas/ /mgon des rjes su bzung snyam byed/ /dkar po'i las kyis dbul ba yi/ /bdag cag ngan 'gror lhung dogs nas/ /bsod nams cung zhig gsog pa'i slad/ /'di 'dra'i gnas skabs bstan nam snyam/ /ji srid 'khor ba ma stongs par/ /de srid gang 'dul skur bstan nas/ /'gro ba'i re 'dod skong ba ni/ /yid bzhin nor bus mtshon ma yin/ /ngan song lta bur mgon med pa'i/ /bdag cag gdung ba sel ba'i slad/ /sprul pa'i nyin byed myur shar te/ /phan bde'i padmo rgyas par gsol/ /bdag kyang byang chub ma thob par/ /khyod las skyabs gzhan yod min pas/ /de phyir thugs rje'i lcags kyu yis/ /'bral med rjes su gzung du gsol/ /de ltar dzambu'i rkang 'thung gis nye bar mtshan pa'i ljongs 'dir/ 'gro ba rnams kyi ma rig pa'i mun pa mtha' dag sel ba dang / lung dang rtogs pa'i 'dab stong rnam par rgyas pa'i slad du bsam bzhin du sku'i skye ba bzhes pa 'dren mchog