[A:347]gzod nas thabs dang shes rab rnal 'byor gyis/ /thams cad mkhyen pa'i rgyal sar 'dzegs zin kyang / /'jam dpal dbyangs dang kun tu bzang po ltar/ /'gro ba sgrol slad rnam 'phrul bsam mi khyab/ /de las dam pa'i grib bsil dang ldan zhing / /bsngags 'os me tog rab tu mdzes 'bar bas/ /'gro la 'dod rgu ster ba'i dpag bsam shing / /gangs ljongs bsod nams bye ba'i mgron du khug /gang de'i rnam par dkar ba'i phrin las kyi/ /cha shas rer yang ngo mtshar 'bum g.yo ba/ /de kun srid zhi'i smra ba ji snyed pa/ /gcig tu tshogs te brjod kyang bri ba med/ /'on te rgya mtsho che las dag byed rgyun/ /cung zad blangs pas dri ma 'khrud pa ltar/ /de bzhin dam pa'i yon tan srid pa na/ /rnyed par dka' 'di cha tsam gleng bar bgyi/ /spyi don gsum pa bdag cag rnams kyi 'dren pa dam pa khams gsum gyi mgon po/ nyan rang thams cad kyi bla ma/ byang chub sems dpa' rnams kyi gtso bo/ dkyil 'khor rgya mtsho spro ba dang sdud pa'i byed po/ rigs thams cad kyi khyab bdag drug pa rdo rje 'chang chen po dang dbyer ma mchis pa mtshan brjod par dka' ba don gyi slad du mtshan nas smos na dpal e waM chos ldan gyi mkhan rabs lnga bcu pa mkhan chen thams cad mkhyen pa rnal 'byor 'jam dpal bzang po bkra shis grags pa'i rgyal mtshan dpal bzang po zhes yongs su grags pa'i snyan grags kyi dri bzhon nam mkha'i mtha' dang mngon par 'grogs pa 'di nyid kyi sku gsung thugs kyi rnam par thar pa yongs su rdzogs pa ni/ dus gsum gyi rgyal ba sras dang bcas pa rnams kyis kyang ji bzhin du bsnyad par dka' na/ bdag cag so so skye bo 'ching ba kun dang ldan pa rnams kyis ni smra ba lta ga la zhig /de lta na'ang sems can drang