[A:524]/ /khams gsum 'gro ba'i 'dren pa mkhan chen rdo rje 'chang byams pa kun dga' bstan pa'i rgyal mtshan dpal bzang po'i rnam par thar pa yon tan mtha' yas pa'i rgya mtsho dngos grub kyi rba rlabs rnam par g.yo ba zhes bya ba bzhugs so// // ! oM swa sti siddhaM/ dus gsum rgyal ba kun gyi ye shes kyi sku gcig pu drin chen rtsa ba'i bla ma dang rigs thams cad kyi khyab bdag rdo rje sems dpa' dbyer ma mchis pa'i zhabs la dus thams cad du phyag 'tshal zhing skyabs su 'chi'o/ /brtse ba chen pos rjes su gzung du gsol/ rang bzhin 'od gsal spros las rnam grol rdo rje nam mkha'i dkyil lta bur/ /mtha' klas 'gro la rjes su chags pa'i byams pa chen po'i sprin bkod de/ /mkhas kun dga' ba'i mtshan dpe'i rol pas lhar bcas 'jig rten dbugs 'byin cing / /bstan pa'i rgyal mtshan srid rtser sgreng mdzad khyab bdag dpal ldan bla mas skyongs/ /gtso ma gser gyi phung po 'dra ba la/ /ston ka'i zla ba 'bum phrag phyis pa'i zhal/ /lan brgyar mthong yang phyir zhing dga' skyed pa'i/ /blta bas mi