[A:525]ngoms mtshan dpe'i sku la bstod/ /shin tu rnam par gnon pa'i 'jig rten na/ /gnod bgyid srid pa'i gdung ba gzhil ba'i sman/ /thog mtha' kun tu dge ba'i dpal yon can/ /bdud rtsi'i char pa lta bu'i gsung la 'dud/ /rtog pas mi sgul sa gzhi ltar brjid pa/ /gting mtha' mi mngon rnam dpyod khyon gyis ni/ /ji snyed shes bya'i mtha' yang pham bgyid pa/ /ye shes rgya mtsho che la dwang bas 'dud/ /'od zer stong gi gos dkar gyon pa can/ /shar ri'i rtse nas chas pa'i zla bas kyang / /sel bar ma nus srid pa'i mun 'phrog pa/ /bdud rtsi'i 'byung gnas 'di lta su zhig mchis/ /bskal pa du mar goms pa mthar phyin pa'i/ /'jig rten 'jig rten 'das pa'i yon tan gyis/ /lhun po lta bur mngon par mtho gang la/ /thub pa rnams kyang dka' thub nags su smon/ /shin tu zhi ba dam pa'i brtul zhugs dang / /rab 'byams shes bya'i pha mtha' gzhal ba'i thugs/ /gcig tu bsgrub la dgyes pa'i spyod tshul rnams/ /'gran bzhin tshogs pa'i rnam thar 'di rmad do/ /gang zhig thos na byang chub tu nges pa'i/ /mgon de'i yon tan rgya mtsho las brtsams te/ /bdud rtsi'i bgo bsha' stsol bas 'jig rten na/ /rab 'byams rgyal ba ma lus rtag tu g.yeng / /de nyid phyir na ngo mtshar gtam gyi gzhi/ /dus gsum bde gshegs kho na'i spyod yul gang / /brjod 'dod mgrin pa bteg pa'i spyi brtol can/ /bdag 'dra'i rmongs