[A:334]nas bka' lung sa le sbram ltar lci ba dang / rin chen dang po'i gnang skyes bcas stsal shing / bslab gsum sde snod 'dzin pa'i chos smra ba chen po 'jam dbyangs thub bstan dge legs dang / mdo sngags rig gzhung rgya mtshor chos spyan yangs pa rab shis sprul sku 'jam dbyangs skal bzang rnam rgyal dang / mkhas btsun lang tsho bdo ba'i dam pa'i bcud kyis brtas pa rab shis dpon sras 'jam dbyangs lung rigs seng ge bcas kyi bka' bskul gnang bar bzlog tu ma bzod pa dang rang nyid kyang skal pa bzang por rlom ste/ bla ma rdo rje 'chang gi bka' 'bangs kyi tha chung dhya na ma tis rang gnas lhun grub steng du/ ston mchog chos kyi nyin byed chos dbyings su gzhol nas bgrang gzhi bzhi stong nga bdun brgal ba dang / byang phyogs cha bsags pho brang du rigs ldan stobs po rgyal sar phebs nas bgrang gzhi go bdun 'das pa dang / rje bla ma gsang chen chos kyi zla rgyas mi mngon dbyings su gshegs nas bgrang gzhi bcu phrag gcig song bar rab byung bco lnga pa'i shing pho byi ba'i lor sa gzhi thams cad 'bras bu sna tshogs kyis gtams shing chu klung thams cad yan lag brgyad ldan gyi dag byed du 'gyur pa'i skabs ston zla ra ba'i dus tshes dge bar grub par bgyis pa 'dis kyang skye ba kun tu dpal ldan bla mas rjes su 'dzin nas bstan pa dang sems can thams cad la phan pa'i mthu chen po 'thob pa'i rgyur