[A:34]dus dkyil 'khor gtso dang dbyer med pas/ /zab mo'i don gsungs gnas dang mkha' kun la/ /'od dang 'od zer rol mo'i sgra sgrogs pas/ /bdag yid ting 'dzin sgo mang 'byed la 'dud/ /rdo rje 'chang dang 'jam mgon dbyer med pas/ /bla ma mchog dang dam pa khyed nyid la/ /khyad par 'ga' yang bdag gis yod ma shes/ /de slad byang chub bar du bdag skyabs mchi/ /khyod kyi yon tan dpag yas sangs rgyas dang / /byang sems chen po rnams dang dbyer med na/ /bdag 'dras bskal par brjod par ga la nus/ /de ltar de 'dra'i skyes chen khyed la 'dud/ /chung ngu'i dus nas khyed kyi thugs rjes bskyangs/ /rmad byung zab mo'i lam rnams rjes su bstan/ /'di dang phyi ma phan bde'i sa la bkod/ /tshad med bka' drin yang yang dran par gyur/ /gnyen gyis 'brel pas khyed la dad min te/ /nges par sangs rgyas yin pa'i nges shes kyis/ /khyed la bstod pa cung zad 'di bgyis pas/ /dge bas bla ma'i zhabs drung skye bar shog /kye ma bla ma bzhugs pa'i zhabs drung du/ /chos kyi bka' drin nod pa'i skal bas dben/ /skyabs med bdag la thugs rje chen po yis/ /yang dag rtogs pa'i blo gros bskyed du gsol/ ! /yang smras pa/ tshangs par spyod pa'i dge bsnyen tshul 'dzin pa/ /bsod nams dpag med ldan pa'i dbang phyug gi /shes bya ma lus gzigs pa'i rtse mor phyin/ /blo chen smra ba'i dpal la mgos phyag 'tshal/ /g.yo med phyag rgya che la rol pa'i thugs/ /mdo rgyud man ngag char rgyun mi chad gsung / /mdzum mdzes mdangs gsal mtshan dpe'i sku mnga' ba/ /'gro ba'i skyabs gcig bla ma'i zhabs la 'dud/ /rgya chen chos kyi sgo rnams mkhyen pa'i mthus/ /shes ldan slob ma'i sgo gsum tshim par mdzad/ /mkhas pa'i mkhas pas