[A:༣༣༨]ན་མོ་གུ་རུ་སུ་ཝཱ་གིནྡྲཱ་ཡ། ང༵ག་གི་དབ༵ང་ཕྱུག་འཇམ་མགོན་བླ་མ་ཡི། །མཁྱེན་བརྩེ་ནུས་གསུམ་གཅིག་ཏུ་བསྡུས་པའི་གཟུགས། །ལེགས་གསུང་མདོ་རྒྱུད་རྒྱ་མཚོའི་གཏེར་གྱུར་པ༵། །དྲིན་ཅན༷་རྩ་བའི་བླ་མ་ལ་ཕྱག་འཚལ། །གང་གི་གསང་གསུམ་ཡོན་ཏན་མཐའ་ཀླས་པ། །སྔོན་གྱི་སྐྱེས་ཆེན་རྣམས་དང་ཁྱད་མེད་པས། །ཀུན་རྨོངས་བྱིས་པའི་སྐྱེ་བོ་བདག་འདྲ་ཡི། །མོས་བློས་སྤྱོད་ཡུལ་གྱུར་པ་མ་ལགས་མོད། །འོན་ཀྱང་ཞབས་པད་ཡུན་རིང་བསྟེན་པའི་ཕྱིར། །དམ་པའི་གསུང་དང་རང་གིས་མཐོང་ཐོས་འགའ། །བསྟོད་འདོད་ངག་གིས་གཅམ་བུ་མ་ཡིན་པར། །སྒྲོ་སྐུར་སྤངས་ཏེ་མདོར་བསྡུས་བྲི་བར་བྱ། །གང་གསུང་བདུད་རྩིས་བློ་གྲོས་ལུས་འཚོ་ཞིང༌། །ལས་