[A:༣༨༦]ལོན་པར་མཛད་དུ་གསོལ། །ནམ་ཞིག་ཚེ་འདིའི་སྣང་བ་ནུབ་པའི་ཚེ། །འདྲེན་པ་ཁྱོད་ཀྱིས་ཞལ་བཟང་ལེགས་བསྟན་ནས། །ཡིད་འཕྲོག་དཔའ་བོ་མཁའ་འགྲོའི་མཆོད་སྤྲིན་གྱིས། །བདག་གི་ལམ་སྣ་འདྲེན་པར་མཛད་དུ་གསོལ། །གང་གི་ཐུགས་བསྐྱེད་སྨོན་ལམ་གྲུབ་པ་དང༌། །སློབ་མའི་མོས་གུས་མཆོག་གི་རྟེན་འབྲེལ་གྱིས། །མགོན་ཁྱེད་གང་དུ་བཞུགས་པའི་ཞིང་ཁམས་དེར། །བདག་ཅག་ཐམས་ཅད་འདྲེན་པར་མཛད་དུ་གསོལ། །བདག་གིས་དུས་གསུམ་བསགས་པའི་དགེ་ཚོགས་ཀུན། །རྗེ་བཙུན་བླ་མའི་ཐུགས་དགོངས་རྫོགས་ཕྱིར་བསྔོ། །ཀུན་ཏུ་བཟང་པོའི་སྨོན་པས་ཡོངས་བཟུང་བའི། །སྤྱོད་པ་མ་ལུས་མཐར་ཕྱིན་འགྱུར་བར་ཤོག །ཡོན་ཏན་རིན་ཆེན་བྱེ་བ་ལས་གྲུབ་པའི། །བླ་མའི་ལྷུན་པོ་སྲིད་ན་མངོན་མཐོ་ཞིང༌། །མཁས་མང་གསེར་རིའི་དབུས་ན་ལྷང་ངེ་བའི། །རྣམ་ཐར་སུས་ཀྱང་གཞལ་བར་མི་ནུས་ཀྱང༌། །མོས་གུས་ཁོར་ཡུག་རྒྱུན་ཆད་མ་ཤོར་བས། །ཕྲིན་ལས་རྒྱ་མཚོ་ལྟོ་བར་བསྐྱིལ་ནུས་པ། །ལས་ངན་ལྕགས་མདོག་ཤར་བའི་རྨོངས་པ་དེས། །སྒྲོ་སྐུར་སྤངས་ཏེ་མདོ་ཙམ་བྲིས་པ་ལགས། །འདི་བགྱིས་པ་ལས་བདག་གིས་ཐོབ་པའི་རྣམ་དཀར་དགེ་བའི་ཆར་རྒྱུན་གྱིས། །སྐལ་ལྡན་སློབ་མའི་དད་པའི་ཞིང་སར་ཡོན་ཏན་ལོ་ཏོག་རབ་རྒྱས་ཤིང༌། །ཕན་བདེའི་དགའ་སྟོན་མཆོག་ལ་སྤྱོད་པའི་གདུལ་བྱའི་ཚོགས་རྣམས་མ་ལུས་པའི། །སྲིད་ཞིའི་རྒུད་པ་མཐའ་དག་ཞི་ནས་བཀྲ་ཤིས་དགེ་ལེགས་བརྟན་པར་ཤོག །ཅེས་པ་འདི་ནི་རང་ཉིད་ཀྱིས་ཀྱང་སྔ་མོ་ནས་མོས་ཤིང་འདུན་པའི་ཁར། ཡོངས་རྫོགས་བསྟན་པའི་མངའ་བདག་མཁྱེན་སྤྲུལ་རིན་པོ་ཆེ་འཇམ་