[A:386]lon par mdzad du gsol/ /nam zhig tshe 'di'i snang ba nub pa'i tshe/ /'dren pa khyod kyis zhal bzang legs bstan nas/ /yid 'phrog dpa' bo mkha' 'gro'i mchod sprin gyis/ /bdag gi lam sna 'dren par mdzad du gsol/ /gang gi thugs bskyed smon lam grub pa dang / /slob ma'i mos gus mchog gi rten 'brel gyis/ /mgon khyed gang du bzhugs pa'i zhing khams der/ /bdag cag thams cad 'dren par mdzad du gsol/ /bdag gis dus gsum bsags pa'i dge tshogs kun/ /rje btsun bla ma'i thugs dgongs rdzogs phyir bsngo/ /kun tu bzang po'i smon pas yongs bzung ba'i/ /spyod pa ma lus mthar phyin 'gyur bar shog /yon tan rin chen bye ba las grub pa'i/ /bla ma'i lhun po srid na mngon mtho zhing / /mkhas mang gser ri'i dbus na lhang nge ba'i/ /rnam thar sus kyang gzhal bar mi nus kyang / /mos gus khor yug rgyun chad ma shor bas/ /phrin las rgya mtsho lto bar bskyil nus pa/ /las ngan lcags mdog shar ba'i rmongs pa des/ /sgro skur spangs te mdo tsam bris pa lags/ /'di bgyis pa las bdag gis thob pa'i rnam dkar dge ba'i char rgyun gyis/ /skal ldan slob ma'i dad pa'i zhing sar yon tan lo tog rab rgyas shing / /phan bde'i dga' ston mchog la spyod pa'i gdul bya'i tshogs rnams ma lus pa'i/ /srid zhi'i rgud pa mtha' dag zhi nas bkra shis dge legs brtan par shog /ces pa 'di ni rang nyid kyis kyang snga mo nas mos shing 'dun pa'i khar/ yongs rdzogs bstan pa'i mnga' bdag mkhyen sprul rin po che 'jam