dga' rin po che dang mjal 'phrad skabs sa skya pa'i lta grub skor la bgro gleng byung bar rje 'di nyid sku na phra zhing sngar phan gzhung lugs slob gnyer mdzad khoms byung med pas gsungs lan ji bzhin phul ma thub pas thugs ma bde ba dang bcas/ da ni khang gsar bla brang gi zhabs 'degs 'grub rung ma 'grub rung / rgyal ba'i bstan pa rin po che tshul bzhin nyams su len par sngon du thos bsam gal che bas/ mkhas pa'i dbang po 'di nyid kyi drung du slob gnyer zhig bya dgos snyam du thugs dam bcas te/ rjes su 'dzin par zhu zhus pas/ khong gis khyed rang khang gsar bla brang gis 'bul sdud la btang bas 'bul sdud la phebs/ thos bsam gyi dka' spyad ngal dub bzod par mi nus gsungs kyang / nan tan chen pos gsol ba btab pas mthar zhal bzhes thob/ de nas rje 'di'i sku'i gcen po gling 'go rtse zhabs rgan ma dang / sku tsha brag ra rdo rje 'chang rnam gnyis la slob gnyer gnang rgyu'i thugs mos yod lugs rgyu mtshan rnams zhus pas/ sku gcen rin po ches/ khyed lo na gzhon pas slob gnyer byas na shin tu 'thad/ 'tsho chas ji dgos ngas bsgrub 'ong / khang gsar bla brang la 'di nas lo 'bul chen chung gang thub brdzong 'thus gsungs pas thugs la tshad med pa'i spro ba 'khrungs/ de nas chos rgyags sogs grabs mdzad nas/ rta drel gnyis gsum zhig dang / zhabs phyi bcas rdzogs chen du phebs/ rdzogs chen gyi thod rdza khrod mthon po zhig na mkhan po gzhan dga' bla slob rnams 'chad nyan mdzad bzhin bzhugs yod skabs/ rje 'di nyid phebs pa'i snga nub tu/ mkhan po gzhan dga' rin po che'i mna' lam du/ bud med rin po che'i rgyan can lag na bum pa thogs pa kha dog mi 'dra ba lngas mgrin gcig tu 'di ltar/ theg pa gsum dang grub mtha' rnam pa bzhi/ /rgyud sde bzhi dang so so'i dbye ba bcas/ /chos nyid dang mnyam chos can ma lus pa/ /sa chen gnas pa'i 'phags chen spyod yul yin/ /ces brjod de bum pa phul byung bar/ phyi nyin khong gi mnal ltas de nga la mi lta/ de ring nga'i drung du slob ma gsar pa su slebs na de sa chen po la gnas pa'i 'phags pa yin pa'i lung bstan red ces gsungs pa bzhin/ de'i nyin rje 'di nyid rdzogs chen du phebs te mkhan po gzhan dga' rin po che dang mjal ba yin 'dug /mkha' 'gro'i lung bstan gyi rdo rje'i tshigs bcad 'di phyis e waM chos ldan gyi mkhan khrir mnga' gsol skabs gzhan dga' rin po che'i ljags rtsom zhabs brtan gsol 'debs su'ang bkod gnang yod/ de yang rje nyid kyi gsung las/ rdza'i rta mi thar bas rdzogs chen dgon nas khal ma gsum dang lam ston bcas gra sgrig gnang ba ltar phyin pas shin tu mtho ba'i rdza khrod nas du ba sngo bun ne byed pa mthong bas/ lam ston gyis rdza gseb pha gir bla ma gzhan dga' bla slob rnams bzhugs yod pa red zer/ de nas phar tsam phyin pas rkang gling gi sgra lta bu zhig thos pa na/ bla ma grwa slob rnams chos gos snam sbyar gsol ste ser sbreng spos sne dang / chos thun tshogs dus ri dwags kr-iShNa sa ra'i rwa zhig dung gi tshab mdzad kyin yod pa de'i sgra dang bcas bsu ba mdzad pa mjal ma thag bla slob rnams la mi phyed pa'i dad pa dang yid la dga' ba bsam gyis mi khyab pa skyes/ zhes dang / ngas dpe cha blta dus brtson 'grus gang