bla brang du chu sbrul lo'i zla ba drug pa'i tshes nyer lnga nas bzung skal ldan 'dus pa brgya phrag skor la gsung ngag rin po che gsang chen slob bshad zab mo'i gsung chos bka' drin bskyang zhing / dgung na ches smin tshul bzhes pa dang / sku khams kyang skabs re dwangs min lta bus/ gseng bar rnams su chos mtshams yun ring tsam du ma 'jogs gnang mdzad cing / sku khams dngas skabs su bka' dbang dang / bka' khrid rnams rdo rje 'chang nyid nas stsal zhing / de skabs dgung grangs smin po de tsam phebs rung / bka' dbang stsal skabs nyer lnga'i grangs bcad kho nar mdzad pa ma zad/ mtha' na dpung skud 'dogs pa tshun slob ma re re bzhin rdo rje 'chang rang nas mdzad pa sogs ngor chen rdo rje 'chang gi rnam thar ji bzhin bka' drin bskyangs/ ljags lung rnams thugs sras zhabs drung rdo rje 'dzin pa chen po ngag dbang bstan 'dzin snying po'i zhal snga nas stsal zhing / bod zla dgu pa sa mchod chen mo'i skabs gtsug khang gsar pa rten dang brten par bcas pa legs grub kyi dpal kye rdo rje'i sgo nas rab tu gnas pa'i cho ga zab rgyas nyin gsum ring bskyang / gang ltar bod zla gnyis pa tsam nas sku khams cung rnyog tshul bzhes te gsang dbang gi bka' khrid grub nas/ sher dbang gi bka' khrid ma 'tshugs bar der chos mtshams 'jogs gnang gi khang gsar bla brang dang / zhal slob tshogs yongs nas zhabs rim rgya cher bsgrub gnang mdzad cing / gsol sman gyi 'phrod bzhes bcas zab nan mdzad kyang / sku khams dwangs bskyed de tsam ma bzhes zhing / mthar bod zla bzhi pa'i tshes shar nas sku khams cher rnyogs tshul bstan pa/ tshang mas sems 'tshab dang bcas/ bod zla bzhi pa'i tshes bcu gcig nyin bla sprul rnams kyi gtso mdzad zhal slob grags gras hrag 'dus nas gzims chung du/ sgrol dkar yid bzhin 'khor lo'i sgo nas brtan bzhugs bstar 'bul dang / snyigs dus kyi 'gro ba spyi dang bdag cag rnams kyi mgon skyabs dam par sku tshe zhabs pad brtan pa'i phyag 'tshal ngu 'bod kyi gsol ba ji tsam btab kyang / da skyon med mi yong ngam gsung ba tsam las/ zhal bzhes gsal po zhig ma mdzad/ phyi dro sku khams cung dwangs tshul gyi sku bzhengs mdzad de gzims chung nang sku 'cham cung zad mdzad/ de'i phyi nyin tshes bcu gnyis la nam rgyun ltar sku bzhengs mdzad rjes thog kha'i rgyal mtshan la nyi ma shar 'dug gam zhes bka' 'dri mdzad pa zhabs 'bring rnams nas/ rgyal mtshan la nyi ma shar 'dug zhus pas/ de 'phral kha seng gi sgrol dkar bum chu khyer shog gsungs te bum chu dang 'phel gdung dang / byin rten sne mang bzhes rjes/ zhabs rdo rje'i skyil krung dang / phyag gnyis mnyam bzhag mdzad grabs lta bur/ slar gu ru snang srid zil gnon gyi bzhugs stabs kyis gdul bya rtag 'dzin can rnams chos la bskul phyir re zhig gzugs sku'i bkod pa chos dbyings su bsdus pa'i tshul bstan pa/ slob 'bangs ltos bcas kyi bsod nams kyi nyi ma nub cing / mya ngan mun pa'i khung bur tshud de/ mgon skyabs dpung gnyen dang bral yang ci bya bral/ slob tshogs yongs nas dgongs rdzogs mchod sprin dang 'brel/ dpal kye rdo rje dang / rje btsun rdo rje rnal 'byor ma/ bcom ldan 'das kun rig rnam par snang mdzad bcas kyi dkyil 'khor