zhal phye nas gdung sgrub nyin grangs du ma dang / mthar gdung mchod dngos gzhi nyin/ khang gsar bla brang gi gtsug lag gsar pa'i nang phyogs bzhi dbus bcas nas rgyud sde khag gi bsregs blugs dang 'brel/ sku gdung rin po che me mchod 'bul sgo tshugs pa dang mnyam bar snang 'ja' sprin gyis gang ba'i gseb nas kha char 'dra ba la bzo dbyibs me tog 'dab ma bzhi/ brgyad/ bcu gnyis/ bcu drug yod pa du ma rgyun ring babs zhing / sa thog tu zag ma thag yal 'gro ba zhig 'dug /nyin shas rjes zhabs drung rin po mchog gis gdung khang zhal phye nas gzigs skabs phyogs kun dri bzang pos khyab cing / gdung rus re re nas bla ma yi dam sangs rgyas byang sems/ gsung rten yig 'bru/ thugs rten mchod rten sogs kyi rang byon ngo mtshar can du ma dang / khyad par gdung khang dbus su padma'i sdong po lta bu zhig 'dug pa zhal phye nas gzigs skabs dbus su thugs ril po dang / g.yas g.yon gnyis su spyan 'od 'tsher 'tsher byed pa/ mdun du ljags shin tu srab pa rtse mo nas cung zad ma tshang ba ma gtogs sku'i dbyibs ji lta ba bcas thugs ljags spyan gsum lhan cig tu byon pa'i rten ngo mtshar can sogs gdung rus rnams sgrub chog dang / khrus gsol sogs rgyun ring mdzad rjes bla ma yi dam sangs rgyas byang sems chos srung nor lha'i sku brnyan brgya phrag du ma sman 'dam dang mnyam du bsres te gsar bskrun mdzad rjes phyi nang gi gdung rten gsar bzhengs mdzad rgyu sogs mna' bo'i mdzad bzang ltar thugs dgongs rdzogs pa'i mchod sprin spro bar brtson pa rgya cher mdzad/ de ltar skyabs mchog 'khor lo'i mgon po/ /sde snod rgyud sde kun gyi glegs bam gcig pu/ dug gsum nad kyi mnar ba'i 'gro ba yongs kyi sman pa chen po/ /rab 'byams dkyil 'khor rgya mtsho'i spro dang 'du ba'i byed po khyab bdag rdo rje 'chang chen sum ldan ngur smrig 'dzin pa'i skur bzhengs pa/ mkhan chen chos kyi rgyal po mchog gi mtshan snyan gyi grags pas phyogs kun khyab pas skabs der byon pa'i dpal ldan sa ngor tshar gsum gyi bstan 'dzin rnams kyi dbus phyogs dang ris su ma chad pa'i skyes chen thams cad/ bdag nyid chen po gang de'i zhabs kyi padmo la ma bsten pa med pa lta bu ste re re nas bgrangs kyi mi lang mod/ yongs grags kyi zhal slob grags che ba 'ga' zhig gi mtshan tsam smos na/ dus gsum rgyal ba'i spyi gzugs o rgyan gyi slob dpon chen po bsam bzhin du 'khon gyi rigs su byon pa khri chen rdo rje 'chang drag shul phrin las rin chen mchog gi zhal snga nas kyi kyang / mgon po mchog gi sku che ba'i yon tan la thugs yid rab tu 'phrogs te/ phyis su gdan sa chen po dpal ldan sa skyar phebs skabs zhig la dpal kye rdo rje'i rgyu lam gyi dbang cha tshang gsan bzhes mdzad pa'i tshul rdo rje 'chang nyid kyi zhal gsung rnam thar du gsal ba ltar dang / de bzhin phun po'i khri chen ngag dbang mthu stobs dbang phyug /gang de'i sku'i gcung ngag dbang mkhas grub rgya mtsho/ sgrol pho'i 'khon ston yab rje ngag dbang kun dga' rin chen dang / gang de'i sku'i gcung ngag dbang kun dga' rgyal mtshan/ dengs skabs kyi dpal sa skya'i khri 'dzin sgrol ma pho brang pa/ /ngag dbang kun dga' theg chen dpal 'bar phrin las bsam 'phel dbang gi rgyal