[A:11]mnga' ris stod du bzhugs pa la/ sras dpal gyi mgon/ lde gtsug mgon/ bkra shis mgon gsum byung ba stod kyi mgon gsum mo/ /smad du bkra shis brtsegs pa dpal la sras dpal lde/ 'od lde/ skyid lde gsum byung ba smad kyi lde gsum mo/ /de rnams kyis stod smad so sor mnga' ris bzung bas stod du rgyal khrims zhwa tsam zhig chags pa mnga' ris skor gsum mo/ /smad du rgyal khrims lhwam tsam zhig chags pa dbus gtsang ru bzhi'o/ /bkra shis mgon gyis sku mkhar nyi rdzong bzung nas/ pu hrang / zhang zhung / glo bo/ dol po/ gu ge /ya tshe la sogs pa la mnga' bdag mdzad/ de'i sras 'od kyi rgyal mtshan/ de'i sras srong nge dang / 'khor re gnyis/ srong nge rab tu byung ba'i lha bla ma ye shes 'od ces bya ba/ khong gis yab mes kyi gdung bas bcing sems can la phan gdags par dgongs nas/ mnga' ris stod kyi byis pa lo bcu gsum las mi gzhon mi rgan pa rnams bsags nas chu tshod dang / dbyu gu dang / gzhung 'dzin pa dang / gzhung gi don rnams la rim gyis blo rton du bcug nas/ de rnams kyi nang nas blo yang rab tu gyur pa'i shes rab can bdun/ de'i g.yog bdun/ yang g.yog blo dang gros la sogs pa 'ong ba bdun te bdun gsum nyi shu rtsa gcig la gser mang po bskur nas rgya gar kha cher slob gnyer la brdzongs pas/ las kyi dbang gis bcu dgu shi /bod la phan thogs pa lo tsA ba rin chen bzang po dang / de'i g.yog lo chung rngog legs pa'i shes rab gnyis las ma byung / de gnyis kyis chos mang po bslabs nas 'ong ste/ bod du mdo/ bstan bcos/ sde snod/ mtshan nyid/ sngags phyi nang gi rgyud 'grel la