[A:101]zer zhing dad par gyur to/ /lhag par shes rab kyi bslab pa'ang / dngos dang brgyud pa'i gdul bya thams cad kyi don du brjod bde zhing rtogs sla ba'i bstan bcos bstod pa dang gsol 'debs la sogs pa'i skor/ theg pa che chung mdo rgyud man ngag 'phral bya ba'i rim pa ston pa dang / gsung rab kyi dkar chag /gsan yig /phrin yig /bsngo ba dang bkra shis kyi skor la sogs pa ngo mtshar ba du ma zhig mdzad do/ /deng sang gi bar du shin tu dar bar gyur pa yin no/ /
gsum pa sku tshe'i mthar ngo mtshar ba'i mdzad pa mdzad tshul ni/ zhing 'dir gdul bya'i don mdzad pas rangs par gyur nas zhing gzhan du gshegs par bzhed de/ sbrul lo zla ba bcu pa'i tshes gcig nas chos rje pa'i dus mchod btsugs te sngar bas thugs dam dang mchod pa la sogs pa la brtson par mdzad pa la/ drung na 'khod pa rnams kyis chos rje pa'i dus mchod zla ba bcu gcig pa phyi ma la lags sam zhus pas/ de bzhin yin na'ang dus mchod da lo bsu nas byed pa yin gsungs nas/ dus mchod btsugs nas zhag gsum pa'i tshes gsum gyi mtshan mo dpal gyi ri la 'phags pa klu sgrub byang chub kyi shing rgyas pa'i drung na bzhugs pa la/ dbu ma rig tshogs la sogs pa theg chen gyi chos du ma gsan pa la/ lha'i tshogs kyis mchod pa rgya cher byed pa dang / rig pa'i rgyal mo rma bya chen mo gsal bar gzigs pa'i snang ba byung / de'i rjes la dharmA phA la la sa skya pa chen po la sogs pa bla ma gong ma rnams kyi rnam thar gsungs shing / bla ma nyid kyis bstan pa'i bya ba mdzad tshul yang gsungs te/ khyod kyis kyang de bzhin du go dgos zhes gsungs/ de nas