[A:102]tshes bco brgyad kyi bar du tshogs su byon/ chos kyang gsungs la/ de nas zhag bzhi gzims khang du bzhugs nas nyer gnyis kyi snga dro nyi ma me bzhi 'phrod pa'i tshe/ dkon mchog la mchod pa rgya chen po shoms shig gsungs te/ skyil mo krung mdzad/ rdo rje dril bu bsnams/ thugs rtse gcig tu bzhugs pa'i ngang nas sgra 'od dang sngar tshor ma myong ba'i spos dri khyad par can me tog gi char 'bas pa la sogs pa'i ltas bstan te zhi bar gshegs so//
! bzhi pa slob ma'i mchog ji ltar byung ba ni/ gnyis las bshad bka'i srol 'dzin shar nub gung gsum la sogs pa'i chen po rnams dang / nyid kyi thugs kyi sras bla ma grags pa 'od zer/ bla ma bkra shis dpal dang / kun bsod/ shong lo/ mkhas shing nus pa dang ldan pa'i rnal 'byor ba a gnyan dam pa/ bla ma 'od ldan thog 'bebs pa/ rga ras/ rong mi dge bshes/ mang gar lo tsA la sogs pa mang du byung ba yin no/
'Phags pa's disciples (Lamdre)
/sgrub pa'i srol 'dzin mang du yod kyang / gsung ngag 'di'i khrid cha lag zhal shes dbang byin rlabs rnams legs par rdzogs nas/ sgrub pa tshul bzhin byed pa'i slob ma ni/ bla ma zhang dkon mchog dpal dang / dge slong kun blo gnyis las ma byung ste/ khong gnyis kyi bla ma gong nas byon pa'i phyi res/ mdo khams thugs bsu ba la rkang thang du byon/ de nas bzung nas zhi bar ma gshegs bar du rgyun du zhabs drung du bzhugs nas bla ma 'di nyid la spyir yang dbang byin rlabs/ rgyud man ngag mang du zhus shing / khyad par du gsung ngag zhus nas bsgoms pas lam gyi so so'i thad ka'i nyams rnams legs par thugs