[A:108]'jigs par gyur/ la las mu stegs kyi rnal 'byor pa yin zer/ la las sangs rgyas pa'i rnal 'byor pa yin zer/ de'i tshe wA ra Na sI'i rgyal po go nanta tsandra bya ba de mu stegs pa la dad pas 'di mu stegs pa yin na 'o brgyal bas nang du gdan 'dren dgos/ sangs rgyas pa yin na wA ra Na sIr gnod pa skyel nyen yod pas bskrad dgos pas rtogs shig zer nas kun rtog tu bcug pas ma rtogs nas rgyal po'i drung du khrid la shog zer te/ khrid nas 'ong ba'i lam du 'bu dang / phye ma leb la sogs pa'i srog chags mang po khar bcug pas/ mi rnams na re/ ngan pa zer/ kha nas spur bas kyang de skad zer bas/ slob dpon gyis/ srog chags mang po bsad kyang ngan pa zer/ srog chags mang po gsos kyang ngan pa zer/ bdag gis spyod pa ji ltar bya ba ma shes so zhes gsungs te/ rgyal po'i drung du byon pa dang / rgyal pos gang yin yang yang dris pas lan gang yang ma byung / rgyal po na re/ 'di la dbang phyug gi yon tan gyi rtags gang yang mi 'dug pas rkang lag lcags sgrog gi bsdoms la chu la skyur cig zer nas/ de ltar byas te bskyur bas lcags sgrog chad de rgyal po'i drung du slebs byung / yang yang du de ltar byas pas yang yang log gin byung ste/ de lta bu'i spyod pas 'gro ba rnams rdo rje theg pa'i bstan pa la bkod do/ /de ltar mdzad nas lho phyogs bhi me ha 'dul du gshegs pa'i lam/ rgyal po bhi me ha ra'i yul ganggA'i 'gram du byon te/ ko mkhan la sgrol zhes gsungs pas/ rngan pa 'dod zer bas rngan pa sbyin rgyu med byas pa dang / 'jig rten na rngan pa sbyin rgyu med na sgrol ba'i lugs med zer nas/ khyod tshim par bya'i/ sgrol zhes gsungs te/ chu