[A:109]bo 'di don du gnyer ba yod dam/ med byas pas/ rgyal po'i dmag 'dren pa dang / bur shing 'thu ba la sogs pa'i tshe che ba don du gnyer/ chu 'gram gyi yul sogs chus khyer gyis dogs pa rnams chung ba don du gnyer bas chu chung ba 'dod zer/ de nas slob dpon gyis khyod la chu bo 'di rang sbyin gsungs nas chu la sdigs mdzub bstan pas chu bo gyen la log nas de'i tshe/ ganggA'i 'gram na rtswa khyim pa yod pa rnams nub la khad song bas thams cad 'jigs shing skrag par gyur te/ ko mkhan gyis 'di yis byas zhes brjod pas thams cad skrag ste/ la las ni nor bu/ la las ni gser/ la las ni ba lang / la las ni me tog gi phreng ba phul te gsol btab bo/ /de nas se gol gtogs pas chu bo sngar bzhin du babs te de'i tshe/ 'jigs pa'i dpa' bo kas ni ganggA 'jigs par byed/ ces glu blangs so/ /de'i rdzas rnams ko mkhan la byin pas mi 'dod par bor nas zhabs la 'jus te rjes su 'dzin par zhus pas gnang nas rjes su 'brangs so/ /rdzas rnams ni rtsA khyim pa rang rang gis longs spyod do/ /de nas lho phyogs bhi me ha ra dang nye ba DA ki nI pa ta zhes bya bar chang 'tshong ma zhig gi khyim du byon nas/ dpon slob gnyis kyis chang nyo byas pas/ rin ci yod zer/ rin med byas pas/ rin med par chang 'tshong ba'i lugs med zer/ nged ngoms par gyis dang / khyod ci 'dod pa sbyin gyi/ gsungs pa dang / yid ma ches te/ ji tsam na ster dris pas/ nyi grib mtshams su ri mo zhig bris nas 'di song ma thag khyod la rin sbyin no gsungs pas/ nyi ma gte'u mar bcug nas chang rnams zad pa dang / rin slong byas pas/ da dung nyi ma ma song / de