[A:116]pa'i sgo nas sems can la phan thogs par gyis shig gsungs nas btang ba ni nag po pa chung ba ste/ yul lho phyogs karNa pa yin pas kahNa pa zhes zer ro/ /slob dpon gyis sau ba nA thar de bzhin du bya ba byas te/ 'dzam bu gling du brtul zhugs kyi spyod pa byed 'phro re zhig bcad nas gzugs de nyid la thim yang zer/ gzugs ma yin/ slob dpon nyid yin yang zer/ la las lus de nyid mkha' spyod du gshegs kyang zer/ de la phyi rol pa ba li na ha ra zer/ sangs rgyas pa ba li nA tha zer/ stobs kyi mgon po bya ba yin/ gnyis ka mthun par birWa pa zer/ da lta'ang de na bzhugs te/ ji srid nyi zla gnas kyi bar du bzhugs su gsol zhes grags/ kha cig na re/ rgya gar dbus kyi si ro pa zhes bya ba'i ming gis glang po che nyi ma 'char ba btul te/ rtsod pa'i dus su sems can la phan btags so zhes zer ba de yin par grags zhes zer ro/ /de'ang rgya gar dbus kyi rnal 'byor pa si ro pa zhes bya ba de/ rgyal po shing rta can bya ba 'dul du bzhud pa la rgyal pos 'di glang po che smyon pa'i drung du thong zhig gsod kyis zer nas btang bas/ glang po ches snas bteg nas khri la bzhag /phyag dang bskor ba byas so/ /glang po che des 'jig rten du grong khyer bshig pa la sogs pa gnod pa chen po byas pa la de btul nas/ der rgyal po na re/ nags gseb tu chugs la me phyogs bzhi nas thong zhig zer nas/ me btang bas sems can mang pos bskor nas ma tshigs pas/ der rgyal po dad nas sangs rgyas kyi bstan pa la bcug /de birWa pa yin zer/ yang bhi me sa ra zhes pa bsdus pa la lan cig byon te/ mdor na lan gsum byon zer ro/ /de