[A:117]lta bu'i rnal 'byor gyi dbang phyug birWa pas brtul zhugs kyi sgo nas sangs rgyas kyi bstan pa la bya ba byas pas/ bstan pa rgyas te mu stegs pa ming yang med par byas so/ /de la spyir bstan pa la bya ba byas pa gsum ste/ chos rgyal mya ngan med kyis dbang phyug gi sgo nas bya ba byas/ slob dpon chos grags kyis rtsod pa'i sgo nas bya ba byas/ rnal 'byor dbang phyug birWa pas nus pa'i sgo nas mu stegs kyi ming med par btang / sangs rgyas kyi bstan pa rgyas par byas te bya ba byas so/ /de lta bu'i rnal 'byor gyi dbang phyug de la sprul pa'i sku ye shes kyi mkha' 'gro ma lha mo bco lngas dbang gi chu bo ma nub pa la sogs pa snyan brgyud bzhis byin gyis brlabs shing gdams/ des shar phyogs kyi nag po pa la/ de nyid rtogs pa cung zad dman pa la de'i don du slob dpon gyis rdo rje'i tshig rkang mdzad nas gnang / des dbus kyi rnal 'byor pa Da ma ru pa la/ de'ang Da ma rus rtsed mo byed cing / Da ma ru thogs pas Da ma ru pa'am dharmA pa bya ba chos pa bya ba'ang zer/ des a wa dhu tI pa bya ba byis pa mang po'i gseb tu rtsed mo byed/ ri mo 'bri zhing gnyis spangs kyi spyod pa mdzad pa de la/ des shar phyogs kyi rgyal po'i yi ge pa/ ka yasta pa'i rigs rin po che'i rigs kyi yi ge pa bya ba/ bskyed rim la brtan pa thob pa/ sprul sku 'ga' mthong ba/ rdo rje dril bu nam mkha' la 'jog nus pa/ grong 'jug la thogs pa med pa/ nus pa mngon sum mdzad pa kA yastha pa ga ya dha ra zhes pa la gdams so/ /des mi bskyod rdo rje la/ des zhe sdang rdo rje la/ des rol pa'i rdo rje la/ des mi bskyod rdo rje sa skya pa la/ des rje btsun la/ des chos rje pa